web counter
LEXO PA REKLAMA!

SHKARKO APP

App Store
Google Play

E fundit!

x

"Sinjale pozitive për integrimin në BE"/ Xhaçka: Synojmë të mbajmë konferencën e Dytë Ndërqeveritare në 2023-shin

9 Mars 2023, 16:54, Politikë CNA

"Sinjale pozitive për integrimin në BE"/ Xhaçka:
Ministrja për Evropën dhe Punët e Jashtme, Olta Xhaçka deklaroi se pas luftës në Ukrainë, BE ka një qasje më pozotive kundrejt rajonit të Ballkanit Perendimor.

Në Forumi Ballkanik i Budapestit , Xhaçka tha se sheh sinjale pozitive nga BE për integrimin dhe se qeveria ka priteshmëri të mbajë Konferencën e Dytë Ndërqeveritare në 2023.

"Ne shohim një ndryshim në qasjen e BE ndaj rajonit, sidomos pas agresionit të paligjshëm rus në Ukrainë. Tashmë BE ka një qasje më strategjike ndaj Ballkanit Perëndimor, dhe perspektiva e integrimit evropian është e besueshme. Mbajtja e Samitit BE - BP në Tiranë ishte një mesazh i fortë i mbështetjes për rajonin, por edhe i përkushtimit të BE ndaj integrimit evropian të Ballkanit Perëndimor", u shpreh Xhaçka.

Për sa i përket luftës në Ukrainë ajo ka ritheksuar qëndrimin dhe mbështjen e Shqipërisë dhe ka bërë thirrje për respektim të sovranitetit të Ukrainës.

“Vendi ynë ka mbajtur një qëndrim të qartë e të guximshëm në KS, duke denoncuar agresionin e duke punuar diplomatikisht krah aleatëve për të izoluar Rusinë. Ky qëndrim është në linjë jo vetëm me aleatët tanë, por edhe me interesin tonë kombëtar, pasi ne besojme që një sistem ndërkombëtar i bazuar tek rregullat, me Kartën e OKB-së si shtyllë të tij kryesore, është jetik për sigurinë e vendeve si Shqipëria. Unë nuk di të them se çfarë mund të bëjë më shumë OKB për të arritur paqen në Ukrainë, por di të them se kjo paqe duhet të fillojë me tërheqjen e trupave ruse nga Ukraina dhe respektimin plotësisht të sovranitetit dhe integritetit territorial të Ukrainës", tha ajo./CNA.al





Lajmet e fundit nga