LEXO PA REKLAMA!

SHKARKO APP

Dy aksidente me dy të plagosur në Korçë/ Prangoset njëri shofer

25 Shtator 2023, 12:53, Aktualitet CNA
Dy aksidente me dy të plagosur në Korçë/ Prangoset
Foto ilustruese

Dy aksidente janë shënuar në Korçë këtë të hënë.

Njëri aksident ka ndodhur në aksin rrugor Koritë-Podgorie, pranë fshatit Koritë, Maliq, ku u arrestua dhe drejtuesi i mjetit.

I arrestuari është shtetasi A. K., 46 vjeç, banues në fshatin Vreshtas, Maliq.

Ai duke drejtuar automjetin  tip “Benz”, dyshohet se ka humbur kontrollin mbi drejtimin e tij dhe automjeti ka dalë nga rruga.

Nga aksidenti është dëmtuar shtetasi I. P., 52 vjeç, banues në fshatin Vreshtas, Maliq, pasagjer në automjet. I dëmtuari ndodhet në spitalin e Korçës, jashtë rrezikut për jetën.

Pas kryerjes së testit të alkoolit rezultoi se 46-vjeçari e drejtonte automjetin, në gjendje të dehur.

Gjithashtu në aksin rrugor Korçë-Pogradec, në vendin e quajtur "Lapidari i Podgories", shtetasi G. H., 26 vjeç, duke drejtuar automjetin tip “Volkswagen”, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga.

Drejtuesi G. H. u dërgua në spitalin e Pogradecit, ku ndodhet jashtë rrezikut për jetën.

Grupi hetimor po punon për zbardhjen e rrethanave të aksidentit./ CNA

Lajmet e fundit nga