web counter
LEXO PA REKLAMA!

SHKARKO APP

App Store
Google Play

E fundit!

x

Dervishaj u lirua nga akuzat për inceneratorin e Fierit/ Duka: E mirëpresim në FSHF

25 Shtator 2023, 22:46, Aktualitet CNA

Dervishaj u lirua nga akuzat për inceneratorin e Fierit/ Duka: E

Arben Dervishaj, mbikëqyrësi i punimeve të inceneratorit, u shpall i pafajshëm nga GJKKO për aferën e inceneratorit të Fierit.

Për këtë vendim ka reaguar Presidenti i FSHF-së, Armando Duka. Ai e cilësoi Dervishajn si mik dhe deklaroi se e mirëpret në FSHF.

Duka deklaroi se nuk ka dyshuar asnjëherë në pafajësinë e Dervishaj, ndërsa theksoi se politika dhe drejtësia duhet t'i jenë borxhli për burgun që kreu.

“Kemi pritur me durim dhe qetësi thuajse prej një viti që drejtësia të thoshte fjalën e saj për një nga kontributorët tanë më të rëndësishëm, zv.presidentin e FSHF e një mik e bashkëpunëtor si inxhinier Arben Dervishaj.

Ne, në FSHF për asnjë moment nuk kemi dyshuar në pafajësinë e inxhinierit me një karrierë të gjatë e kontribute të jashtëzakonshme në shumë prej veprave të ndërtuara në vendin tonë; ashtu sikurse një profesor me autoritet të padiskutueshëm në auditoret universitare.

Si mik, nuk kam dyshuar asnjëherë në pafajësinë e Benit; si personalitet në fushën e tij, shoqëria, politika e drejtësia do të duhet t'i jenë borxhli për burgun e padrejtë që kreu.

Ne në FSHF e mirëpresim sa më shpejt për të vazhduar me dhjetëra projekte infrastrukturore që inxhinier Arben Dervishaj i ka ndjekur me përpikmëri në çdo moment por edhe në sfidat e reja që kemi përpara që kërkojnë ekspertizën, eksperiencën dhe vendosmërinë e inxhinier Benit", theksoi Presidenti i FSHF-së./ CNA





Lajmet e fundit nga