web counter
LEXO PA REKLAMA!

SHKARKO APP

App Store
Google Play

E fundit!

x

“Thërrisni Edi Ramën!”/ Vokshi, e prerë: Të vijë të japë llogari për inceneratorët

20 Korrik 2023, 11:31, Politikë CNA

“Thërrisni Edi Ramën!”/ Vokshi, e prerë: Të

Deputeja Albana Vokshi në fjalën e saj në seancën e sotme plenare të së enjtes theksoi se kryeministri Edi Rama duhet të jetë në Kuvend dhe të japë llogari për aferën e inceneratorëve. 

Ndërkohë, deputetja demokrate tha se tre ministra të qeverisë Rama duhet të shkarkohen.

Sipas saj, ministrja e Arsimit, Evis Kushi, ka shkelur ligjin me projektligjin për studentët e Mjekësisë dhe ministrja e Shëndetësisë, Ogerta Manastirliu, që nuk u bë pjesë e debatit. Për Frida Krifcën, ajo nënvizoi se duhet që me skandalin për vjedhjen e fondeve të BE-së duhet të shkarkohet menjëherë nga detyra.


“Kjo seancë është jolegjitime. Kemi kërkuar interpelancë urgjente. Kemi kërkuar mocion me debat për skandalin e inceneratorëve. Kjo seancë nuk do të jetë normale, mbylleni, thërrisni Edi Ramën e të vijë këtu të përballet. Të shpjegojë pse Ahmetaj është në arrati, pse 420 milionë euro me bekimin e tij u planifikuan për inceneratorë fantazmë. Sa para shkojnë në ditë për inceneratorët, për ata që janë në arrati. Me paratë e inceneratorëve keni paguar Gonigal, keni blerë mediat. Të paktën 3 ministre që janë aty do të duhej të ishin shkarkuar. Evis Kushi u ka thënë studentëve edhe po nuk pranuat ne i marrim vendimet vetë, Evis Kushi duhej të ishte shkarkuar, tërhiqeni sot projektligjin për studentët e Mjekësisë. Ministrja e Shëndetësisë nuk mund të ishte aty, nuk ka ardhur në asnjë seancë me studentët. Dhe së treti, Krifca duhej të ishte shkarkuar menjëherë pas skandalit” , tha Albana Vokshi.

 

 





Lajmet e fundit nga