LEXO PA REKLAMA!

SHKARKO APP

Beson te përmbysja e Vllaznisë, Balaj: Kam humbur raste dhe do të humb

20 Korrik 2023, 11:14, Sport CNA

Vllaznia do të zbresë sot në fushë për të luajtur përballë Linfield ndeshjen e kthimit. Një ndeshje që mbetet delikate për shkak të rezultatit të ndeshjes së parë në Irlandën e Veriut që u fitua nga vendasit me rezultatin 3-1. Por me atë gol të shënuar, Vllaznia mban akoma shpresat gjallë.

Bekim Balaj ka folur për shtypin e shkruar në prag të sfidës ndaj irlandezëve.

“Kam humbur raste dhe do të humb. Futbolli është lojë gabimesh. Dëshira ishte e madhe që të shënoja gol dhe mund të ndryshonte rrjedhën e lojës, por që duhet të vazhdojmë të shohim para dhe të bëjmë më të mirën”, ka thënë Balaj.

“Sigurisht që në ndeshjen e parë u munduam të jemi më të kujdesshëm, të jemi më racionalë, të merrnim më të mirën atje që të tentonim kualifikimin në Shkodër. Nuk na la shije të mirë rezultati 3-1, por që mundësia është reale me mbështetjen e tifozëve. Në Shkodër pritet me interes shumë të madh, kështu me ndihmën e tyre mund të bëjmë të mundur përmbysjen e rezultatit”, është shprehur sulmuesi shkodran.

Lajmet e fundit nga