LEXO PA REKLAMA!

SHKARKO APP

Përflitet si kandidat i PS-së për Kukësin/ Lirohet nga detyra prefekti, kush e zëvendëson

19 Korrik 2023, 21:03, Politikë CNA
Përflitet si kandidat i PS-së për Kukësin/ Lirohet nga
Ali Hallaçi

Këtë të mërkurë, Këshilli i Ministrave ka liruar nga detyra si prefekt i qarkut të Kukësit Ali Hallaçin.

Këtë të fundit, në postin e prefektit të qarkut Kukës, do ta zëvendësojë Albert Halilaj.

Këto ndryshime janë propozuar nga ministri i ri i Brendshëm, Taulant Balla dhe janë miratuar në mbledhjen e sotme nga Këshilli i Ministrave.

CNA ka mësuar se Ali Hallaçi është një nga emrat potencialë që mund të kandidojë nën siglën e PS-së për kryebashkiak të Kukësit, pas shkarkimit të Safet Gjicit.

Kandidatura e tij nuk është konfirmuar ende. Ndërkohë, kujtojmë se Safet Gjici u shkarkua nga kryeministri Edi Rama pas videoskandalit në zyrën e kryetarit të bashkisë.

Pasi kryeministri Rama njoftoi shkarkimin, Gjici reagoi në rrjetet sociale, ku deklaroi se ka dhënë dorëheqjen./ CNA.al

Lajmet e fundit nga