E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Dënimet për skandalin e djegësve/ Cakrani: U mbars mali dhe polli një mi! SPAK-u vërtetoi atë që pritej

26 Shtator 2023, 14:37, Aktualitet CNA

Dënimet për skandalin e djegësve/ Cakrani: U mbars mali dhe polli

Avokati Kujtim Cakrani

Avokati Kujtim Cakrani ka folur lidhur me dënimet e dhëna ndaj personave të arrestuar për skandalin e djegësve.

Sipas tij, me masat e dhëna SPAK-u vërtetoi dhe njëherë tjetër që nuk është ngritur në pritshmëritë e qytetarëve.

Ai mori rastin e Alqi Bllakos për të cilin tha se akuzat ndaj tij u hoqën me kalimin e kohës.

Gjatë intervistës Cakrani madje u shpreh se e gjithë historia është ''u mbars mali e polli një mi''.

“SPAK-u dihej, por e vërtetoi dhe njëherë tjetër atë që ne kemi diskutuar që është një organ akuze i cili deri më sot nuk është ngritur në pritshmëritë e qytetarëve.

Nuk po them për dënimet apo pafajësitë që ka marrë por hetimet që kryen kjo strukturë e posaçme lënë shumë për të dëshiruar, qofshin këto nga ana e mbledhjes dhe përpunimit të informacionit apo qofshin nga impianti akuzator që ato çojnë në Gjykatë për të kërkuar pafajësinë apo kalimin e çështjes në gjykim.

Duhet të kujtoj një gjë, që Zoti Bllako u lirua nga akuzat për shpërdorim detyre në bashkëpunim dhe ka mbetur vetëm një shpërdorim i thjeshtë detyre.

Zoti Bllako kur është arrestuar atëherë nga SPAK-u është akuzuar se bashkë me punonjësit e bashkisë Fier, ka falsifikuar dokumentacionin për sa i përket vendit kadastral në qytetin e Fierit, ku është ndërtuar sot Landfilli ose inceneratori që nuk punon.

Dhe, dua t'ju kujtoj se për këtë kanë protestuar dhe banorët e zonës dhe ata banorë zone sot janë në ndjekje penale ose janë me dëshmi penaliteti si fajtorë për faktin se kanë protestuar në lidhje me veprimet e qeverisë, e cila u ka zaptuar tokat, etj., etj.

Pra, dua të them se për të gjitha këto kemi pasur shumë masa sigurie dhe në fund fare, "u mbars mali e polli një mi''.

Kjo është e gjithë historia!”/ CNA