web counter
LEXO PA REKLAMA!

SHKARKO APP

App Store
Google Play

E fundit!

x

Berisha sfidon hapur Ramën/ Eja tregoju qytetarëve si ke firmosur për djegësit

5 Maj 2023, 15:25, Politikë CNA

Berisha sfidon hapur Ramën/ Eja tregoju qytetarëve si ke firmosur

Kreu i koalicionit “Bashkë Fitojmë”, Sali Berisha, ka sfiduar sërish kryeministrin Edi Rama që të dalë në debat publik me të dhe t’u japë llogari qytetarëve për të gjitha aferat korruptive ku është i përfshirë.

Në një takim me banorët e Burrelit, Berisha i ka bërë thirrje Ramës të dalë dhe t’u tregojë hapur qytetarëve kontratat që ka firmosur për inceneratorët e Tiranës, Fierit dhe Elbasanit, nga të cilat, sipas Berishës, ai ka përfituar miliona lekë.

Më tej Berisha ka thënë se kryeministrit nuk ia mban të dalë në debat dhe se ai nuk ka përdorur pushtetin për të pasuruar familjarët e tij.

“I them Edi Ramës që kalon nga takimi në takim me një fjalor të padenjë, një fjalor tipik për halabakët, i them hajde këtu në Mat, ja ku janë këta qytetarë, dil këtu me Sali Berishën dhe t'u faktojmë pak këtyre qytetarëve se nuk po hyjmë në ato që kemi realizuar anëtarësimin në NATO, apo etj., etj., jo, t'u faktojmë këtyre qytetarëve se kush e ka përdorur pushtetin për t'u pasuruar vetë dhe kush ka menduar për qytetarët. Kaq.

Cili nga ne të dy ka përdorur pushtetin për pasurimin e tij, nuk vjen dot, nuk ia mban, nuk del dot. Po pse nuk del. Edhe unë kam familjarë edhe ai ka familjarë.

Dallimi është si nata me ditën se unë mund t'i numëroj atij, këtu para jush me dhjetëra me qindra tendera të fituar në mënyrën më antiligjore, më të padrejtë nga familjarët e tij, nga baxhanaku i tij, nga thjeshtra e tij, në kundërshtim me ligjet, në kundërshtim me ligjin e interesit, për të cilat ai do të shkojë atje ku e ka vendin.

Edhe unë kam qeverisur 8 vite. Le të gjejë një tender që kanë fituar fëmijët, apo njerëzit e mi. Zero, zero, zero.

Unë të them hajde këtu t'u tregojmë këtyre burrave dhe grave se çfarë ke firmosur tip, paf, paf, paf, e fap, fap, fap. Se si ke firmosur ti për të vjedhur vetëm me djegësit e Fierit, Tiranës, që nuk ekzistojnë askund, 420 mln euro.

Kurse unë kam firmosur mbi 7 mijë vendime qeverie dhe vendime të kryeministrit, asnjë prej tyre paf, paf, paf, e fap, fap, fap, por e kam firmosur, kam firmosur duke menduar 7 herë e firmosur një herë. Prandaj ti nuk vjen këtu, nuk del as në studio televizive dhe prandaj kalon shesh më shesh me gjuhën prej halabaku", u shpreh ai./CNA.al





Lajmet e fundit nga