web counter
LEXO PA REKLAMA!

SHKARKO APP

App Store
Google Play

E fundit!

x

Sako, me gjuhë të ashpër ndaj Igli Carës: Marioneta e “Sali nongratës” dhe “Ilir floririt”

5 Maj 2023, 10:33, Politikë CNA
Sako, me gjuhë të ashpër ndaj Igli Carës: Marioneta e
Kryetarja aktuale e Bashkisë së Durrësit, Emiriana Sako

Kryetarja aktuale e Bashkisë së Durrësit, Emiriana Sako, ka folur për kundërshtarin e saj, Igli Carën.

Sako e ka quajtur Carën një politikan të vjetër, i cili i shitet padronit të radhës dhe nuk meriton të merret seriozisht.

Ajo shkruan se deri dje Cara ishte marioneta e Lulzim Bashës, ndërsa sot është marioneta e Sali Berishës dhe Ilir Metës.

Sipas saj, Berisha dhe Meta kanë hedhur në fushë Carën për të marrë peng Durrësin dhe projektet për qytetin.

Sako i drejtohet Carës duke thënë se ai në 14 maj do të kthehet në pritje të padronit të radhës, ndërsa ajo do të ecë përpara me PS-në dhe Edi Ramën.

Postimi i plotë i Emiriana Sakos:

DY FJALË PËR KUNDËRSHTARIN TIM

Unë nuk jam politikane dhe nuk e kam kuptuar asnjëherë politikën si përballje personash. Për mua politika është ballafaqim vizionesh, programesh, rezultatesh.

Por, duke qenë se Igli Cara merret më shumë me mua, sesa me mamën e tij siç e thotë edhe vetë, dua t’ju them dy fjalë!

Igli Carën unë nuk e njoh, emrin e tij e kam dëgjuar dikur si njeri që shiste vende pune kur PD-ja ishte në pushtet.

Por për këtë nuk kam asnjë provë. Ndërsa prova se Igli Cara është vetë një politikan i vjetër, i cili i shitet padronit të radhës, nuk meriton të merret seriozisht, është para syve të gjithë durrsakëve.

Deri dje ai ishte marioneta e Lul Bashës, sot ai është marioneta e Sali Nongratës dhe Ilir Floririt, të cilët s’kanë asnjë lidhje me të ardhmen e Durrësit.  Ata e kanë hedhur Igli Carën në fushë për t’u hedhur hi syve të durrsakëve dhe për ta marrë Durrësin peng.

Për të marrë peng Portin e ri Turistik, Portin e ri tregtar në Porto Romano, hekurudhën e re Durrës-Tiranë dhe vetë të ardhmen e Durrësit që sot me mbështetjen e Kryeministrit dhe deputetit tonë Edi Rama, ka hyrë në një kapitull historik transformimi ekonomik, urban dhe social.

Igli Cara ka gabuar rëndë që u ka dhënë dy individëve më problematikë në Shqipëri, fytyrën dhe emrin e tij, por Durrësi nuk ka më asnjë shans për t’i dhënë padronëve të Igli Carës!

Prandaj i dashur Igli, në 14 maj ti do të kthehesh tek mama në pritje për padronin e rradhës, ndërsa unë do vazhdoj punën me Edi Ramën dhe Partinë Socialiste. 

Bashkia e Durrësit është e durrsakëve që duan të shkojnë vetë përpara dhe kurrë s’do të jetë më e nongratave dhe e kukullave si puna jote, që me Durrësin i lidhin vetëm hallet dhe interesat personale!/ CNA.al





Lajmet e fundit nga