web counter
LEXO PA REKLAMA!

SHKARKO APP

App Store
Google Play

E fundit!

x

Veliaj, miliona lekë artistëve/ Meta-qytetarëve: Marrin para nga taksat tuaja

4 Maj 2023, 18:25, Politikë CNA

Veliaj, miliona lekë artistëve/ Meta-qytetarëve: Marrin para nga

Kreu i Partisë së Lirisë, Ilir Meta gjatë takimit me banorët e Ali Demit në Tiranë ka vënë theksin edhe te deklaratat e VIP-ave dhe videomesazheve mbështetëse ndaj kryebashkiakut Erion Veliaj .

Meta tha se këto artitsë dhe këngëtarë të cilët marrin shuma të mëdha parash nga taksat e qytetarëve, nuk jetojnë në Tiranë, por jashtë vendit.

Ndër të tjera ai theksoi se këto para mund të përdoreshin për të ndërtuar kopshte dhe çerdhe në Tiranë.

“Keni parë deklaratat e vipave sot? Nuk jetojnë në Fresk e Astir, jetojnë jashtë vendit dhe marrin shuma të majme nga taksat tuaja, me të cilat mund të bëheshin kopshte e çerdhe. Duan të kthejnë përmbys sistemin. Në 14 maj Tirana do bëjë zgjedhjen e saj të mençur, sepse e tillë është. Nuk mund të zgjedhë më të votojë për shfaqë të shëmtuara që mbi të gjitha kushtojnë shumë. Në 61 bashki Rama ka përdorur vetëm fytyrën e vet në postera, do bien si matrioshkat ruse”, u shpreh Meta.

Kujtojmë se CNA ka nxjerrë dokumenta që vërtetojnë shumat e majme që këngëtarët që mbeshtësin Veliajn, si Rigels Rajku ose i njohur si Noizy dhe Ermal Meta kanë marrë nga kryebashkiaku gjatë koncerteve që kanë mbajtur në Tiranë.

Noizy ka marrë 50 milionë lekë për koncertin privat “Alpha Show” ndërsa Ermal Meta, 85 milionë për koncertin e mbajtur në Tiranë më 17 shtator të 2021./CNA.al

 

 

 

 





Lajmet e fundit nga