web counter
LEXO PA REKLAMA!

SHKARKO APP

App Store
Google Play

E fundit!

x

“Akt burracak”/ Topollaj denoncon miratimin në fshehtësi të rregullores së Këshillit Bashkiak

4 Maj 2023, 13:42, Politikë CNA
“Akt burracak”/ Topollaj denoncon miratimin në fshehtësi
Kandidati i Aleancës Progresiste për Këshillin Bashkiak të Tiranës, Fabian Topollaj

Fabian Topollaj, kandidati i Aleancës Progresiste LZHK, për Këshillin Bashkiak të Tiranës, ka vijuar me denoncimet e tij për atë që ndodh brenda mbledhjeve të Këshillit Bashkiak.

Topllaj, i vetmi këshilltar opozitar në Këshill, ka deklaruar se është miratuar në fshehtësi rregullorja e re e Këshillit Bashkiak, pa praninë e opozitës, pra për të kufizuar nesër këshilltarët opozitarë që do hyjnë në Këshill.

Ai e ka konsideruar këtë një akt burracak dhe materialin e paraqitur skandaloz, ku përcaktohet se këshilltarët nuk duhet të dalin jashtë rendit të ditës dhe përcakton të drejtën e kryetares së Këshillit për t'u ndërprerë fjalën këshilltarëve nëse dalin jashtë rendit të ditës.

Topollaj e quan këtë një turp duke thënë se, Veliaj është i pari që del jashtë rendit të ditës duke folur në mbledhje për ish-kryeministrin Sali Berisha dhe kreun e Partisë së Lirisë, Ilir Meta, që nuk kanë të bëjnë me asnjë rend dite në Këshillin Bashkiak.

“Në mbledhjen e fundit të Këshillit Bashkiak ka ndodhur diçka që në gjykimin tim është shumë e rëndë.

Ky Këshill Bashkiak në mbledhjen e fundit praktikisht ka kaluar rregulloren e re të Këshillit Bashkiak.

Në fakt ky është një akt burracak, nuk bëhet rregullorja ajo marrëdhënia që lidhin palët me një organ kolegjal mes njëri-tjetrit në mbledhjen e fundit aq më tepër në një Këshill Bashkiak që nuk ka opozitë.

Dua të them dy fjalë mbi materialin që është paraqitur. Është një material skandaloz që përcakton që këshilltarët nuk duhet të dalin jashtë rendit të ditës dhe përcakton të drejtën e kryetares së Këshillit për t'u ndërprerë fjalën këshilltarëve nëse dalin jashtë rendit të ditës.

Kush jeni ju që përcaktoni se cili është rendi i ditës?

Erion Veliaj këtu 4 vjet na ka folur për Sali Berishën dhe Ilir Metën.

Ç’punë kanë Sali Berisha dhe Ilir Meta me rendin e ditës tonin dhe kush do ta përcaktojë nëse jemi apo jo brenda rendit të ditës. Keni futur në rregullore konceptin që këshilltari bën shkelje nëse regjistron veten me celular siç po bëj unë tani.

Çfarë shkelje është të regjistrosh veten? E dini ju që është detyrim që në mbledhjen e Këshillit të regjistrohen edhe të transmetohen 'live' deklaratat, jo nuk transmetohen 'live'. Ky është turp”, është shprehur Fabian Topollaj./ CNA.al

 





Lajmet e fundit nga