E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

PD e akuzoi për blerje votash/ Gjiknuri e mohon: Për të qeshur e për të qarë

3 Maj 2023, 18:47, Politikë CNA

PD e akuzoi për blerje votash/ Gjiknuri e mohon: Për të qeshur e

Sekretari i Përgjitshëm i PS-së, Damian Gjiknuri dhe njëherësh drejtuesi politik i qarkut të Elbasanit, i ka cilësuar akuzat e fundit të opozitës kundrejt tij për blerjë votash si mashtrime.

Gjiknuri është shprehur se opozita fillimisht mashtroi për moskandidimin e Llatjes në zgjdhjet e 14 majit, më pas se Elbasani do të jetë zonë e lirë dhe në fund ka përmendur premtimet sipas tij të parealizueshme të kandidatit të koalicionit “Bashkë Fitojmë”, Luçiano Boçi.

Ai i ka bërë thirrje SPAK të vëzhgojë nga afër sjelljen e çdo individi në Elbasan para, gjatë dhe pas procesit zgjedhor.

"Dega e Foltores në Elbasan ka valëvitur sot Flamurin me akuza bombastike për blerje e shitje votash. Për të qeshur e për të qarë!
Po bëjnë fiks atë që unë e kam paralajmëruar e thënë prej disa ditësh në çdo takim me qytetarë të Elbasanit. E kam thënë qartazi se trajektorja e sjelljes së foltores në Elbasan do kalojë në disa faza.
E para, faza e euforisë dhe thashethemnaja që përhapën se Gledian Llatja nuk do të rikandidohej për një mandat tjetër. Dolën blof!
E dyta, thellimi i euforisë teksa hërhapën thashethemnajën sikur Edi Rama e paska lëshuar Elbasanin në tavolinë për Berishën dhe Metën. Sigurisht dolën blof!
E treta, kaluan tek faza e premtimeve tullumbace me sheshxhirime filmash e Disney Land apo kompani fantazma që do të investonin qindra miliona euro. Lan nam!
Tanimë kemi mbërritur tek faza e katërt, përgatitja e alibisë së humbjes! Pasi e kanë kuptuar se humbjen e kanë të sigurtë, kanë filluar të akuzojnë se gjoja po ua vjedhin votat!
Nuk ka asgjë që e ndal Elbasanin! Elbasani në 14 Maj do të vendosë qartazi të ndahet njëherë e mirë nga e shkuara, nga ata që nuk pranojnë vullnetin e zgjedhësve dhe refuzojnë të njohin humbjen!
Inkurajoj plotësisht çdo institucion ligjzbatues përfshirë dhe SPAK-un të vëzhgojë nga afër sjelljen e çdo individi në Elbasan para, gjatë dhe pas procesit zgjedhor! Veçanërisht kërkoj monitorimin e familjarëve të Luçiano Boçit të cilët lëvizin natën me çanta nëpër shtëpitë e qytetarëve!
Elbasani as nuk shitet, as nuk blihet! Elbasani ecën vetëm përpara! Kurrë më mbrapa!"/CNA.al