LEXO PA REKLAMA!

SHKARKO APP

Projekti i Portit të Durrësit/ Berisha-Ramës: Po mashtron shqiptarët dhe NATO-n

3 Maj 2023, 13:25, Politikë CNA

Projekti i Portit të Durrësit/ Berisha-Ramës: Po mashtron

Kreu i koalicionit “Bashkë Fitojmë”, Sali Berisha, ka denoncuar sërish projektin e Portit të Durrësit, i cili sipas tij është shndërruar në një pasuri të paluajtshme të kryeministrit Edi Rama.

Berisha ka falënderuar NATO-n për kundërshtimin e këtij projekti dhe theksoi se Rama po përpiqet që ta mashtrojë këtë aleancë dhe gjithë shqiptarët.

NATO e ka kundërshtuar këtë projekt pasi sipas tij nuk u përmbahej kapaciteteve të NATO-s për akostimin e mjeteve detare dhe sheshet në shërbim për forcat e armatosura.

“Vizita në seli sa për sy e faqe të Ramës, Xhaçkes dhe presidentit në një agjendë, Porto Romono dhe mbështetja nga NATO për mbylljen e portit të Durrësit, shndërrimin e tij 'de facto' në pasuri të paluajtshme të Ramës dhe klanit të tij mafioz dhe miliarderit të Emirateve, Alabbar janë një histori e turpshme, e turpshme. Janë një përpjekje monstruoze për të veshur nën petkun e aleancës vjedhjen që po i bëhet pronës publike të shqiptarëve. Në çdo vend në këtë situatë kreu i shtetit do të kishte mbledhur Këshillin e Sigurisë Kombëtare dhe do të kishte gozhduar kryetarin e qeverisë për këtë aferë mafioze që kërkon të bëhet miliarder me pronat e shqiptarëve. Kjo do të jetë një çështje e rëndësisë e do të ketë debate sapo të hapet parlamenti i kyçur nga Rama dhe Lindita e parlamentit. Falënderoj Aleancën për mbrojtjen jetike të interesave të shqiptarëve dhe disaprovimin e projektit të mashtrimit të Porto Romanos që Rama përpiqet të mashtrojë shqiptarët dhe NATO-n”, tha ai/CNA.al

 

Lajmet e fundit nga