web counter
LEXO PA REKLAMA!

SHKARKO APP

App Store
Google Play

E fundit!

x

100 vjetori i KMSH-së/ Presidenti Begaj, mesazh për bashkëjetesën fetare

2 Maj 2023, 19:59, Politikë CNA
100 vjetori i KMSH-së/ Presidenti Begaj, mesazh për
Presidenti Bajram Begaj

Presidenti Bajram Begaj, mori pjesë pasditen e sotme në pritjen me rastin e 100 vjetorit të Komunitetit Mysliman Shqiptar.

Begaj tha se Bashkësia Islame e Shqipërisë dhe bashkësitë e tjera fetare, kanë dhënë kontribute të rëndësishme për Pavarësinë e Shqipërisë dhe shtetin Shqiptar.

“Sot është rasti të rikujtojmë faktin se bashkësitë fetare, ndër to dhe Bashkësia Islame e Shqipërisë janë kontribuese të rëndësishme për Pavarësinë e Shqipërisë dhe gur konsolidues të shtetit Shqiptar.

Organizimi i besimtarëve myslimanë, që përbënin shumicën e popullsisë së vendit, në një institucion mbi baza kombëtare, krejtësisht shqiptar dhe të mëvetësishëm nga institucionet fetare të huaja është tregues sesa i rëndësishëm dhe i shenjtë ishte për klerikët dhe myslimanët shqiptarë pavarësia dhe sovraniteti edhe në kuadrin fetar.

Si fryt i përpjekjeve të kahershme të klerikëve myslimanë shqiptarë, Komuniteti Mysliman i Shqipërisë ka dëshmuar ndër vite se feja dhe kombi për ta ka qenë dhe është i pandashëm si dy nocione që nuk përjashtojnë njëra-tjetrën”, u shpreh ai, ndërsa u ndal te bashkëjetesa fetare.

“Pa dyshim, që bashkëjetesa dhe harmonia fetare midis komuniteteve të ndryshme fetare në Shqipëri është një pasuri sa e çmuar dhe e rrallë, dhe për këtë ka kontribuar që në themelimin e tij, komuniteti mysliman shqiptar.

100 vjetori i KMSH-së/ Presidenti Begaj, mesazh për

Një tjetër aspekt i rëndësishëm i angazhimit të këtij komuniteti, ndër vite, ka qenë ndihma e shtresave në nevojë, si një vepër që i afron më shumë me Zotin. Rasti emblematik është  ai i zotit Zyber Hallulli, Myfti dhe Kryetar i Bashkisë së Tiranës në vitet 1913-1914 që hapi strehën vorfnore, e cila edhe sot mban emrin e tij.

Pas viteve ‘90 bashkësitë fetare përfituan të drejtat e tyre të sanksionuara në  nenin 10 dhe 24 të Kushtetutës të Shqipërisë, aplikimin e të drejtave të njeriut sipas parimeve të Këshillit të Evropës në Kushtetutën tonë për të drejtat e besimit”, deklaroi ai.

Kreu i Shtetit theksoi se do të mbështesë besimtarët e çdolloj feje dhe do të promovojë harmoninë e bashkëjetesën fetare.

“Unë jam besimplotë se klerikët e sotëm myslimanë shqiptarë, ashtu dhe ata të komuniteteve të tjera, si udhëheqës shpirtërorë, do të vijojnë të punojnë së bashku, për të frymëzuar shqiptarët për t’u angazhuar së bashku, pavarësisht besimit fetar, për përparimin dhe begatinë e vendit, për mirëqenien e shtëpisë sonë të përbashkët, Shqipërisë.

Dëshiroj t’ju siguroj se si President i Republikës do të vazhdoj të jem një partner i fortë i juaji dhe i besimtarëve të çdo besimi; do të vazhdoj të jem mbështetës dhe mbrojtës i lirisë së besimit; promotor e promovues i harmonisë dhe bashkëjetesës fetare si një vlerë kombëtare”, nënvizoi Presidenti./ CNA.al





Lajmet e fundit nga