web counter
LEXO PA REKLAMA!

SHKARKO APP

App Store
Google Play

Nga aeroporti te qendra e eventeve muzikore dhe stadiumi/ Rama shpalos projektet e reja për Korçën

2 Maj 2023, 17:33, Politikë CNA
Nga aeroporti te qendra e eventeve muzikore dhe stadiumi/ Rama shpalos projektet
Kryeministri Edi Rama

Kryeministri Edi Rama ka bërë të ditur këtë të martë që do të fillojë puna për aeroportin sportiv dhe turistik në Korçë.

Rama deklaroi se do të ndërtohet qendra e re kushtuar bujqësisë, për personat që merren me prodhimin dhe marketimin e produkteve bujqësore.

Ai paralajmëroi edhe ndërtimin e qendrës së madhe të eventeve muzikore në qytetin e Korçës.

Përsa i përket stadiumit “Skënderbeu”, kreu i qeverisë deklaroi se do të jetë një hapësirë ku do ndërtohen restorante, bare, dyqane, zyra, sturt-up- dhe institucione publike.

“Sot fillojmë punën për aeroportin sportiv dhe turistik të Korçës. Sot nuk kemi problemin kush do të vijë në Korçë, por si të shtojmë mundësitë akomoduese. Qendra e re në bujqësi do të jetë një hapësirë për ata që merren me prodhimin dhe marketimin e produkteve bujqësore. Qendra e madhe e eventeve muzikore është një tjetër ambicie. Stadiumi, një qendër e re e stadiumit që do të ketë jetë në çdo ditë të javës. Stadiumi është menduar që të jetë një vend ku do të ketë hapësirë për restorante, bare, dyqane, zyra, start-up, institucione pubike”, theksoi Rama./ CNA.al





Lajmet e fundit nga