web counter
LEXO PA REKLAMA!

SHKARKO APP

App Store
Google Play

E fundit!

x

Peleshi: Programi i bashkisë e çon Korçën në tjetër nivel zhvillimi

1 Maj 2023, 12:48, Politikë CNA
Peleshi: Programi i bashkisë e çon Korçën në
Ministri i Mbrojtjes Niko Peleshi

Turi i takimeve elektorale në kuadër të zgjedhjeve të 14 majit vijoi në lagjet 2 dhe 3 të qytetit. Në fjalën e tij, drejtuesi politik i qarkut Korçë, Ministri i Mbrojtjes, Niko Peleshi, theksoi se falë programit të ndërtuar nga kryebashkiaku Sotiraq Filo, Korça do të ecë me ritme më të shpejta për të shkuar drejt një tjetër nivel zhvillimi.

 “Nëse të gjithë e duan qytetin siç e duan korçarët Korçën shqipëria do të ishte një vend i standardit europian. Ne duam që të ecim përpara me ritme më të shpejta. Ne nuk e kthejmë kokën pas dhe nuk vetëkënaqemi. Ne jemi të parët, por duhet të punojmë që të ngelemi të parët. Kemi një program që do ta mbështesim të gjithë sepse është një program që nuk vetëkënaqet, por është një program ambicioz. Është një program që sheh përpara dhe e çon Korçën në një tjetër nivel”, tha Peleshi.

Për kryetarin e bashkisë, Sotiraq Filo, krahas punëve të bëra dhe projekteve madhore për mandatin e ardhshëm, fokusi i Korçës me të në krye si kryetar bashkie do të jenë të rinjtë dhe të rejat. Për këtë sipas Filos do të ketë angazhim maksimal që të rinjtë të gjejnë në Korçë të njëjtat standarde që u ofrojnë edhe qytetet europiane.

 “Transformimi që ka pësuar Korça është i jashtëzakonshëm. Kemi investuar në trashëgimni kulturore, në projekte për fëmijët. Tani projekti i gazifikimit do të përmbyllë investimin në infrastrukturë. Termoizolimi është një projekt po kaq i rëndësishëm për të  rritur eficiencën e energjisë dhe të shmangim kostot. Do të organizojmë konkursin për stadiumin e qytetit, që përmbyll zonën sportive. Do të fillojë brenda pak muajve aeroporti në Lumalas që do t’i japë shtysë zhvillimit të turizmit dhe sportit të aventurës. Turizmi malor do të jetë më i zhvilluar pas ndërtimit të pistës së madhe që kemi projekt. Në fokusin e bashkisë kemi të rinjtë dhe të rejat. Duam që Korça të jetë qyteti që do të mirëpresë të rinjtë dhe t’u japë standardet e kërkuara njësoj si në qytetet e Evropës ”, thotë Sotiraq Filo./ CNA.al





Lajmet e fundit nga