web counter
LEXO PA REKLAMA!

SHKARKO APP

App Store
Google Play

“Ditë të mira do të vijnë për pensionistët”/ Gjiknuri: Votoni për Arifin dhe PS-në

1 Maj 2023, 11:21, Politikë CNA
“Ditë të mira do të vijnë për
Sekretari i Përgjithshëm i PS, Damian Gjiknuri

Sekretari i Përgjithshëm i PS-së, Damian Gjiknuri, ndodhet në Belsh së bashku me kryeministrin Edi Rama, në takimin elektoral të radhës.

Gjiknuri deklaroi para qytetarëve se dora e socialistëve e ka transformuar Belshin, duke i bërë thirrje të votojnë PS-në jo vetëm për bashkinë, por edhe për Këshillin Bashkiak.

Ai ftoi dhe pensionistët të votojnë me 14 maj këtë forcë politike, duke përmendur shpërblimet e herëpashershme që kanë marrë nga qeveria si dhe planet në vijimësi.

“Dora e qeverisë socialiste e ka transfomuar Belshin. Shikojmë një qytet të transformuar. Belshi është një nga vendet që i bën krenar të gjithë. Më 14 maj do të jepet mundësia që përmes votës t'i themi përpara Arifit, i cili ka gjurmën e tij në këtë zhvillim të bashkisë.

Arifi është njeriu që di të punojë të respektojë njerëz dhe ka vizion. Nuk është rastësi që Arifi ka qenë shtytësi më i madh i programeve për Belshin. Vota për Arifin dhe PS-në do të na çojë përpara.

Ne votojmë jo vetëm për kryetarin e bashkisë, por edhe për Këshillin Bashkiak. Jepini votat PS-së për Këshillat Bashkiakë.

Mendoni për interesin tuaj dhe jo të botës. Çojini për Këshillin Bashkiak të PS-së.  

Ditë të mira do të vijnë edhe për pensionistët. Qeveria ka dhënë shpërblime të herëpashershme, rritja e sigurimeve shoqërore. Me 14 maj pensionistët të mendojnë dhe të votojnë Arifin dhe PS-në”, tha Gjiknuri./ CNA.al





Lajmet e fundit nga