web counter
LEXO PA REKLAMA!

SHKARKO APP

App Store
Google Play

"Ata nuk ndërrojnë dot një llambë, u pëlqen errësira”/ Rama, ironi e batuta për opozitën

1 Maj 2023, 17:49, Politikë CNA
"Ata nuk ndërrojnë dot një llambë, u pëlqen
Kryeministri Edi Rama

Kryeministri Edi Rama ironizoi sërish pasditen e sotme opozitën, në një takim që mbajti me qytetarët në Pogradec.

Rama tha se opozita nuk ndërron dot një llambë, i pëlqen errësira, i pëlqen pisllëku dhe ndërtimet pa leje.

“Sot Ilir Xhakolli ka vendosur ndriçim publik, jo në Pogradec, por në të 73 fshatra rreth e rrotull. Ku ka drita natën po të vësh ata në zyrë? Ata nuk ndërrojnë dot një llambë dhe u pëlqen errësira, u pëlqen pisllëku. Nuk e kanë problem fare; demokraci, liri, plehrat, njerëzit të gjithë bashkë, bashkëjetojnë, u pëlqejnë ndërtimet pa leje, u pëlqejnë lejet për ndërtime të shëmtuara”, u shpreh ai, ndërsa vijoi me batuta.

Kreu i qeverisë e cilësoi zgjedhjen e kryetarit të bashkisë me blerjen e një kali që tërheq karrocën.

“Vota e zgjedhjes së kryetarit të bashkisë është vajtja në pazar për të blerë kalin për të tërhequr karrocën. Do blesh kalë të tërheqë karrocën apo për inat të atij që shet kalin që është i majtë do shkosh të blesh, jo gomar jo, se gomari është goxha personalitet, ka mbajtur Perëndinë mbi shpinë gomari. Por kë do marrësh të tërheqësh karrocën apo do merresh ta tërheqësh vetë?

Gjithë për vete, Zoti për të gjithë, siç ndodh gjithmonë kur ata marrin qeverinë. Dhe për më tepër, sot le ta themi deri në fund janë shumë më keq sesa ç’kanë qenë në ditën e tyre më të keqe se se janë helaq fare. Janë të diskretituar botërisht, nuk i do njeri t’i shohë me sy dhe kur nuk do njeri t’i shohë me sy si mundet që Shqipëria t’i mbajë në kurriz që dhe Shqipërinë pastaj të fillojnë të mos ta shohin me sy për shkak të tyre? Nuk i do, e kanë me certifikatë me vulë, të padëshirueshëm, për miqtë më të mëdhenj tanët”, theksoi kryeministri./ CNA.al





Lajmet e fundit nga