web counter
LEXO PA REKLAMA!

SHKARKO APP

App Store
Google Play

Alibeaj vijon me avazin/ I “drejton gishtin” Berishës për përçarjen e PD-së

1 Maj 2023, 15:02, Politikë CNA
Alibeaj vijon me avazin/ I “drejton gishtin” Berishës për
Kreu i komanduar i PD-së, Enkelejd Alibeaj

Kreu i komanduar i PD-së, Enkelejd Alibeaj, në çdo takim elektoral nuk harron të sulmojë drejtuesin e koalicionit "Bashkë Fitojmë", Sali Berisha, thua se betejën e ka me të dhe jo me PS-në.

Në takimin e tij në Mallakastër, ku ka prezantuar kandidatin e vulës, Agron Kapllanaj, si çdo herë tjetër i ka drejtuar gishtin Berishës për situatën e PD-së, duke thënë se e përçau partinë për interesat e tij personale.

“Ka ndodhur mes nesh në një vit e gjysmë pikërisht një përplasje, një divergjencë mes nesh. Po, nuk e mohoj këtë, ka shkuar madje deri në bazë. Në fakt një parti politike që ka këto divergjenca mes saj, është mirë që kur shkon para zgjedhësve t’ua tregojë se çfarë ka ndodhur. Dhe ajo se çfarë ka ndodhur është kjo që dua t’u them: Ka ndodhur që mes interesit të qytetarëve, interesit të demokratëve, interesit të shqiptarëve nga njëra anë dhe një interesi personal që një politikan ka, ne zgjodhëm të parën.

E në fakt në politikë kështu duhet të veprosh: midis interesit personal dhe atij të grupit, duhet të zgjedhësh interesin e grupit, interesin e partisë, interesin e qytetarëve, këtë kemi bërë ne. Dhe e kemi bërë duke qenë fisnikë, ashtu siç na takon ne mallakastriotëve në fakt, duke shtrirë dorën. Duke shtrirë dorën, duke u thënë njerëzve, po, sot e keqja më e madhe është Edi Rama dhe regjimi i tij. E për këtë arsye do të duhet të bëhemi të gjithë bashkë e t'i lëmë ato grindjet e vogla, divergjencat e vogla, t’i lëmë pas kurrizit sepse është emergjente.

Për shqiptarët, për mallakastriotët është emergjente që të përballemi me regjimin atje lart, por edhe këtu poshtë. E për këtë kemi shtrirë dorën, u kemi bërë thirrje vëllezërve tanë. Duke u shtrirë dorën dhe duke u thënë, po kush është më i miri për t’i dalë zot në zgjedhjet lokale, ai duhet të përfaqësojë shqiptarët, ai duhet të përfaqësojë mallakastriotët”, tha Alibeaj./ CNA.al





Lajmet e fundit nga