web counter
LEXO PA REKLAMA!

SHKARKO APP

App Store
Google Play

Berisha nuk tërhiqet/ Sfidon sërish Ramën: Të vijë në debat

1 Maj 2023, 19:59, Politikë CNA
Berisha nuk tërhiqet/ Sfidon sërish Ramën: Të vijë
Kryetari i Partisë Demokratike, Sali Berisha

Kryetari i Partisë Demokratike, Sali Berisha, nuk i ka ndalur thirrjet e tij ndaj kryeministrit Edi Rama për të debatuar publikisht.

Në një takim me banorët e Paskuqanit, Berisha tha se Rama nuk pranon të dalë përballë tij dhe qytetarëve.

Për këtë arsye, ai e sfidoi sërish të shkojë në debat, pasi e cilësoi këtë gjë si detyrim ndaj qytetarëve.

"Sa herë në çdo takim, kemi bërë thirrje urdhëro të dalësh në shesh para qytetarëve. Edhe këtu po deshi Edi Rama të vijë, të vijë në debat. Por debati është detyrim para jush, sepse kryeministri, presidenti, cilido rrogëtar i këtij shtetit paguhet me paratë tuaja, me taksat tuaja dhe ai ka detyrim të dalë para jush, ka detyrim ti kthejë xhepat para jush, ka detyrim të tregojë çdo qindarkë, ku i mori?

Por Edi Rama nuk del dot kurrë. Si mund të dalë ai që jeton në saraje. Kam qenë rrogëtar i këtij shtetit këto 30 vite, një apartament 130 metra kam. Absolutisht, pa kredi më të madh nuk e blija dot. Kjo është e vërteta.

Po ti që ndërtove sarajet me 720 metra gjatësi themelet, me 5 mijë metra parkun përreth, me ullinj 3-400 vjeçar që kushtojnë nga 20-30 mijë euro. Ku i gjete këto, hajde këtu Edi Rama, duhet të dalës tu thuash këtu qytetarëve nga mbijnë ato. Se ti na thua jam nga bregu, se po qe nga bregu, Surreli nuk është në breg, nuk i ke trashëgim, as nga nëna as nga baba ato, i ke vjedhur, ndaj dhe nuk del. I ke vjedhur, i ke vjedhur", theksoi ish-kryeministri./ CNA.al





Lajmet e fundit nga