web counter
LEXO PA REKLAMA!

SHKARKO APP

App Store
Google Play

Bejko, takim me gratë/ Do t'u jap kredi nënave të divorcuara, do t'ua rimbursoj 100%

1 Maj 2023, 18:11, Politikë CNA
Bejko, takim me gratë/ Do t'u jap kredi nënave të
Kandidati i Partisë Demokratike të Enkelejd Alibeajt, Roland Bejko

Kandidati i Partisë Demokratike të Enkelejd Alibeajt, Roland Bejko zhvilloi një takim me gra dhe vajza, ku prezantoi programin për nënat kryefamiljare.

Bejko tha se nënave kryefamiljare dhe grave të divorcuara do t’i japë kredi për strehim dhe do t’i mundësojë rimbursim 100%.

Ai deklaroi se taksa 3% që i merret firmave të ndërtimit, nuk do të merret e plotë në para, por një pjesë në banesa pë tua dhënë më pas nënave beqare.

“Do ta kemi prioritet që nënat kryefamiljare, të cilat kanë gjithë peshën e familjes, nënat e fëmijëve jetim, apo të divorcuara do t’i kemi në fokusin tonë. Do t’i trajtojmë ato me dinjitet. Do t’i japim kredi, 100% do ua rimbursojë bashkia kredinë për strehimin. Do të jenë në listën prioritare për të marrë apartament, banesën, që është absolutisht jetike. Ne do u marrim…, firmave të ndërtimit bashkia edhe sot e ka me ligj që do u marrë 3%. Mirëpo bashkia e merr në para të gjithë, nuk e merr në objekt. Ne do ta marrim një pjesë në para, një pjesë në objekt. Do ta marrim në objekt me qëllim që çiftet e reja, gratë kryefamiljare, ata që s’kanë kushte për të siguruar minimumin jetik, do të strehohen në këtë shtëpi me kriteret që ka vendosur ligji. Ne duam që t’i strehojmë këto familje në këtë hyrje që ka në dispozicion bashkia”, theksoi kandidati i Alibeajt./ CNA.al





Lajmet e fundit nga