web counter
LEXO PA REKLAMA!

SHKARKO APP

App Store
Google Play

E fundit!

x

Afera e inceneratorëve/ Veliaj: Ta zgjidhë prokuroria dhe gjykata

1 Maj 2023, 22:33, Politikë CNA
Afera e inceneratorëve/ Veliaj: Ta zgjidhë prokuroria dhe gjykata
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj, ka folur mbrëmjen e sotme për aferën e inceneratorëve. Veliaj tha në një intervistë me Ilir Babaramon se këtë çështje duhet ta zgjidhë prokuroria dhe gjykata.

Ai deklaroi se nuk mund të mbyllë inceneratorin për shkak se dikush ka bërë korrupsion.

Gjithashtu, kryebashkiaku socialist përsëriti deklaratën se kush ka bërë gabime duhet të mbajë përgjegjësi.

“Sa i përket pjesës së inceneratorëve, këtu ka një hetim. Duhet ta zgjidhë prokuroria dhe gjykata. Pra, është si të them unë, një mënyrë që të mos ketë gjobëvënie në media, është që ne të gjithë të fikim televizorët, por ne të gjithë e dimë që kjo është e pamudur.

Ose të them një gjë tjetër, një mënyrë që ne të mos kemi aksidente në rrugë është që të mbyllim gjithë autostradat, se është e sigurt se nuk do ketë më aksidente po nuk pati më rrugë. Ose një mënyrë që asnjë pacient të mos ketë probleme me mjekë të korruptuar, është të mbyllim të gjithë spitalete se atëherë nuk do të ketë çfarë të korruptosh se nuk ka.

Por ne e dimë se në jetën reale nuk funksionon kështu. Në jetën reale nëse një mësues është i dhunshëm, ti heq mësuesin, nuk mbyll shkollat. Dhe automatikisht, nëqoftëse në këtë process vullnetmirë për të pastruar Tiranën, që qartazi sot është më e pastër, dikush ka bërë një gabim, ai person të shkojë të paguajë që çke me të dhe të japë llogari. Po nuk është arsyetim kush po i merr lekët? Ku janë këta? Nuk është detyra ime. Thashë, ma jepni mua prokurorinë dhe gjykatën dhe i gjej të gjitha, por këtë e ka një tjetër institucion”, theksoi Veliaj./ CNA.al





Lajmet e fundit nga