web counter
LEXO PA REKLAMA!

SHKARKO APP

App Store
Google Play

E fundit!

x

Spahia prezanton programin/ 4 pikat ku do të bazohet për Shkodrën

2 Maj 2023, 19:31, Politikë CNA
Spahia prezanton programin/ 4 pikat ku do të bazohet për Shkodrën
Kryebashkiaku i Shkodrës, Bardh Spahia

Kryebashkiaku i Shkodrës, Bardh Spahia, ka prezantuar programin e tij gjatë një takimi me qytetarët, ku ishte present edhe kryetari i PD-së, Sali Berisha.

Spahia tha se do të mbështetet fort te potencialet Shkodrës dhe programi i tij ëshë hartuar në katër drejtime, për zhvillim të qëndrueshëm, inovacion, turizëm dhe shërbime cilësore.

Ai deklaroi se qëllimi i tij nuk është vetëm fitorja më 14 maj, por që çdo ndryshim i bërë, çdo reformë dhe çdo vendim i marrë të shërbejë për të krijuar mirëqenie, siguri dhe shpresë për qytetarët.

"Vizioni ynë për Shkodrën është ai i një qyteti të zhvilluar në disa drejtime, ku mbështetet fort tek potencialet që territori ka, te traditat dhe vlerat më të mira që na bëjnë padiskutim një prej bashkive më të rëndësishme në Shqipëri dhe rajon.

Ne i kemi përkthyer në mënyrë të përgjegjshme dhe profesionale sfidat për zhvillimin e territorit, duke hartuar programin e zhvillimit te territorit, me 4 drejtime strategjike kyesore: Shkodra me zhvillim të qëndrueshëm; Shkodra Inovative; Shkodra Turistike; Shkodra me shërbime cilësore.

Jemi fokusuar në projektet e ekomobilitetit urban, eficiencës energjitike, zhvillimin e turizmit dhe kulturës, zhvillimin rural dhe përmirësimin e shërbimeve bashkiake duke synuar kështu përmirësimin e cilësisë së jetesës.

Të dashur miq, qëllimi ynë nuk është thjesht fitorja në 14 maj. Unë jam i sigurtë se përpara kemi një rrugë të gjatë dhe të bukur për të bërë së bashku. Qëllimi ynë është që çdo ndryshim i bërë, çdo reformë, çdo vendim i marrë të shërbejë për të krijuar mirëqenie, siguri dhe shpresë për qytetarët tanë dhe ne do ja dalim.

Edhe pak ditë na ndajnë nga 14 Maji. E di që jeni vendosur që tani përballë presioneve, shantazheve, kërcënimeve të pushtetit! Por e di po aq mirë se shkodranët nuk dorëzohen! Së bashku, do të vazhdojme t’i përbuzim me neveri këto metoda kriminale. Ata kurrë nuk do na mposhtin dhe le ta marrin vesh. E ardhmja është e jona", theksoi ai./ CNA.al





Lajmet e fundit nga