web counter
LEXO PA REKLAMA!

SHKARKO APP

App Store
Google Play

Roland Bejko, takim elektoral në Pezë-Helmës/ Hedh sërish akuza ndaj Berishës

2 Maj 2023, 18:59, Politikë CNA
Roland Bejko, takim elektoral në Pezë-Helmës/ Hedh sërish
Kandidati i Partisë Demokratike të Enkelejd Alibeajt për Bashkinë e Tiranës, Roland Bejko

Kandidati i Partisë Demokratike të Enkelejd Alibeajt për Bashkinë e Tiranës, Roland Bejko, zhvilloi një takim me qytetarët në Pezë-Hemlës, në kuadër të fushatës elektorale.

Bejko tha se do të japë më shumë mbështetje për bujqësinë dhe zonat rurale në Tiranë. Bejko deklaroi se do të ndërtojë 5 tregje në hyrje të Tiranës, në të cilat bashkia do të ketë prioritet prodhimet e fermerëve vendas.

Por ashtu si në çdo takim, kandidati i Alibeajt hodhi akuza kundër kreut të PD-së, Sali Berisha dhe kreut të PL-së, Ilir Meta.

“250 kilometra rrugë është angazhimi jonë për të ndërtuar të gjithë zonën rurale. Kjo do bëjë të mundur që të gjithë prodhimet tuaja të tregtohen në Tiranë. Duke u tregtuar në Tiranë, edhe të ardhurat tuaja të rriten, por edhe Tirana do të ushqehet shëndetshëm. Mendoj që nuk është lënë pa qëllim mungesa e ndërtimit i rrugëve dhe aksesimi i fshatrave në qytet. Është lënë për të favorizuar produktin që vjen nga importi. Produkti nga importi sjellin monopolet që i kanë oligarkët.

Oligarkët diktojnë të gjitha politikat e zhvillimit në Shqipëri, si tregtisë edhe ndërtimit, kudo ka ku një sektor fitimprurës. Janë të lidhur me elitën politike, që përbëhet nga Edi Rama, Sali Berisha dhe Ilir Meta, për pasojë këta kanë kapur gjithçka fitimprurëse. Fshatarët duan t’i lënë në nivelin e mbijetesës, nuk do lejojmë këtë. Ne duam që tregun në Tiranë ta dekriminalizojmë, tregun në Tiranë ta çlirojmë. Për të çliruar tregun, kemi menduar si PD që të vëmë në çdo hyrje të Tiranës, 5 tregje, që do te jenë tregje të kilometrit zero”, theksoi ai./ CNA.al





Lajmet e fundit nga