web counter
LEXO PA REKLAMA!

SHKARKO APP

App Store
Google Play

Berisha sfidon Benet Becin/ Hajde në shesh shlyej detyrimet, as gjysma e fisit nuk do të të votojë

2 Maj 2023, 19:47, Politikë CNA
Berisha sfidon Benet Becin/ Hajde në shesh shlyej detyrimet, as gjysma e
Kryetari i koalicionit “Bashkë Fitojmë”, Sali Berisha

Kryetari i koalicionit “Bashkë Fitojmë”, Sali Berisha, ka sfiduar kandidatin e PS-së për Shkodrën, Benet Becin.

Gjatë një takimi elektoral në Shkodër, Berisha i kërkoi Becit të zhvillojë debat publik me Bardh Spahinë.

Ai tha se duke pranuar debatin dhe duke iu përgjigjur pyetjeve të qytetarëve, kandidati i PS-së do të shlyejë detyrimet, pasi pretendon se në dy vjet nuk e shqipëroi asnjëherë fjalën Shkodër në Parlament.

Sipas tij, për këtë arsye Becin nuk e voton as gjysma e fisit të tij.

“Karshi Bardh Spahisë kandidon përfaqësuesi i Edi Ramës. E meriton këtë që po bëni ju, megjithatë kjo është njëra anë, ana tjetër është ftesa ime; Benet hajde këtu bashkë me Bardh Spahinë, dilni para qytetarëve dhe jepni, jepni llogari për çdo gjë. Përgjigjuni të gjitha pyetjeve të qytetarëve të Shkodrës dhe me këtë ti dëshmon se ke ndjenjën e përgjegjësive, përgjegjësisë ndaj qytetarëve të Shkodrës. Me këtë ti shlyen deri diku një detyrim sepse dy vjet në atë parlament nuk e shqipërove njëherë fjalën Shkodër dhe Shkodran. Benet vetëm për këtë kam bindjen se gjysma e Becëve nuk do të votojnë ty”, theksoi ish-kryeministri./ CNA.al





Lajmet e fundit nga