web counter
LEXO PA REKLAMA!

SHKARKO APP

App Store
Google Play

Këlliçi bën llogaritë/ Sa kursejnë qytetarët me nënkalimin te sheshi “Skënderbej”

2 Maj 2023, 20:55, Politikë CNA
Këlliçi bën llogaritë/ Sa kursejnë qytetarët me
Kandidati i opozitës për Bashkinë e Tiranës, Belind Këlliçi

Kandidati i opozitës për Bashkinë e Tiranës, Belind Këlliçi, shpjegoi në mënyrë të detajuar disa pika kryesore të programit të tij që synon zbutjen e kostos së jetesës në Tiranë, dhe lehtësimin e trafikut.

Për nënkalimin në sheshin “Skënderbej”, Këlliçi u shpreh se në bazë të studimeve që ka bërë ekipi i tij, qytetarët do të kursejnë në një ditë 5 mijë kilometra rrugë.

“Qytetarët do të kursejnë në një ditë 5 mijë kilometra rrugë, pra aq sa llogaritet sot në gjendjen aktuale, fluksi që përshkohet prej gjithë automjeteve që kalojnë në atë nyje, një prej më problematikeve në Tiranë.

Vetëm ai segment, që është 200 metra dhe nuk e prek në asnjë milimetër sheshin ‘Skënderbej’”, u shpreh ai.

Këlliçi deklaroi në emisionin e Marsela Karapanços se qytetarët do të arrijnë të kursejnë çdo ditë, 0.24 tonë naftë, aq sa shpenzojnë sot duke kaluar nëpër itinerarin aktual.

“Sipas ekspertëve, vetëm në atë nyje, llogaritet që fluksi i automjeteve dhe trafikut, shkarkon 234 tonë dioksid karboni në një vit, çka me projektin e nënkalimit në sheshin ‘Skënderbej’, eleminohet, duke kontribuar kështu në uljen e ndotjes, por edhe të stresit”, theksoi ai më tej.

Kandidati i opozitës tha se projekti i nënkalimit që i shërben mijëra qytetarëve në ditë, kushton jo më shumë se kopshti personal që Kryeministri ka ndërtuar së fundmi, në ambjentet pranë zyrës së tij./ CNA.al





Lajmet e fundit nga