web counter
LEXO PA REKLAMA!

SHKARKO APP

App Store
Google Play

E fundit!

x

Arlind Qori: Do kem rezultat mbresëlënës në zgjedhje

2 Maj 2023, 23:00, Politikë CNA
Arlind Qori: Do kem rezultat mbresëlënës në zgjedhje
Kreu i “Lëvizjes Bashkë” dhe kandidati për bashkinë e Tiranës, Arlind Qori

Kreu i “Lëvizjes Bashkë” dhe kandidati për bashkinë e Tiranës, Arlind Qori, tha mbrëmjen e sotme se ai do të ketë një rezultat mbresëlënës në zgjedhjet vendore të 14 majit.

Qori deklaroi në emisionin e Eni Vasilit se rezultati i “Lëvizjes Bashkë” do të habisë shumëkënd.

Ai u shpreh se votat e tij nuk do të vidhen, ndërsa theksoi se edhe nëse merr vetëm 5 vota nuk do të thotë që zgjedhjet u vodhën.

“Është hera e parë që hyjmë në zgjedhje. Nëse do vinit një ditë me mua derë më derë do vini re se situata është optimiste. Nuk dua ta ekzagjeroj, por dua të flas për mundësi të cilat besoj se janë. Qytetarëve u ka ardhur në majë të hundës nga 30 e kusur vjet nga qeverisje pa vizon e korruptive. Idetë tona shkojnë në përputhje me atë që duan qytetarët.

Klasa politike është në kalbje e sipër. Sa vjen e thellohet edhe pakënaqësia e qytetarëve ndaj tyre. Rezultati ynë do habisë shumëkënd. Kam bindje se kjo do ndodhë dhe rezultati do jetë mbresëlënës. Në çdo tavolinë numërimi do kemi vëzhguesit tanë, kemi numrin e mjaftueshëm të aktivistëve në kuptimin e parë të fjalës. Jam i sigurtë se ‘Lëvizjes Bashkë’ nuk do i vidhet asnjë votë. Unë besoj te përgjegjësia politike. Një parti nuk mund të fshihet nga përgjegjësia. Edhe nëse marrim vetëm 5 vota, nga unë nuk do dëgjoni që na i vodhën zgjedhjet”, nënvizoi Qori./ CNA.al





Lajmet e fundit nga