LEXO PA REKLAMA!

SHKARKO APP

Meta “ngre” alarmin/ Shqipëria, e fundit në rajon për lirinë e medias

3 Maj 2023, 13:30, Politikë CNA

Meta “ngre” alarmin/ Shqipëria, e fundit në rajon për

Kreu i Partisë së Lirisë, Ilir Meta, në kuadër të ditës botërore të Lirisë së Shtypit, është shprehur se mediat në Shqipëri janë edhe këtë vit nën dhunën e shtetit dhe të censurës.

Meta ka risjellë në vëmendje disa nga ngjarjet kryesore në vend ku sipas tij nuk janë respektuar të drejta e mediave dhe janë sulmuar padrejtësisht, si rasti i sulmit me armë ndaj “Top Channel”.

Ndër të tjera, Meta tha se Shqipëria sot renditet e fundit në rajon për lirinë e medias.

“Dita Botërore e Lirisë së Shtypit e gjen median shqiptare edhe për këtë vit nën dhunën dhe censurën e Qeverisë dhe të klientëve të saj, si dhe nën kontrollin e oligarkisë.

Hedhja në erë me tritol e bizneseve të pronarëve të mediave, mbyllja e televizioneve, përdorimi i armëve të zjarrit dhe dhunës brutale fizike ndaj reporterëve, gjobat e padrejta, censura dhe autocensura, ndalimet pa shkak, kërcënimet, shantazhet, mungesa e kontratave të rregullta të punës dhe keqpagesa, si dhe ndikimi politik nëpërmjet përcaktimit të linjave editoriale me fonde nga bota e errët e krimit dhe korrupsionit, është mjedisi ku punuan shumica e gazetarëve shqiptarë.

Duke ndarë të njëjtat shqetësime të shprehura edhe në raportin e fundit të 'Reporterëve Pa Kufij', theksoj rëndësinë për një media të lirë, të pavarur dhe të përgjegjshme, që është thelbësore për çdo demokraci funksionale dhe të qëndrueshme.

Media e lirë, e pavarur dhe në shërbim të interesit më të lartë publik, transparencës dhe llogaridhënies në çdo nivel, është një qëllim për të cilin duhet të përpiqemi dhe të bashkëpunojmë të gjithë.

Jo më kot, Shqipëria renditet e fundit në rajon për lirinë e medias, ndaj më 14 maj është Koha Për Ndryshim”, tha ai./CNA.al

 

 

 

Lajmet e fundit nga