E fundit!

09:36 Kosova & Bota

Shërbimi Gjeologjik i SHBA-së: Tërmeti që goditi Venezuelën ishte më i madhi në më shumë se një shekull

Tërmeti i së mërkurës ishte më i madhi që ka goditur Vene...

Shumat e majme ndaj artistëve/ Justifikohet Veliaj: Edhe ata kanë familje, qira dhe kredi në bankë

4 Maj 2023, 17:45, Politikë CNA

Shumat e majme ndaj artistëve/ Justifikohet Veliaj: Edhe ata kanë

CNA ka publikuar disa dokumente që tregonin se si artistë të ndryshëm që kanë mbështetur kryebashkiakun e Tiranës Erion Veliaj, kanë marrë shuma të mëdha parash nga ky i fundit.

Dy ditë më parë CNA publikoi dokumentat që tregonin se si reperi Rigels Rajku, i njohur si Noizy ka marrë plot 50 milionë lekë për koncertin privat "Alpha Show" që ka zhvilluar në Tiranë.

Sot, CNA ka publikuar një tjetër dokument që tregon se si këngëtari Ermal Meta ka marrë nga Veliaj 85 milionë lekë për koncertin që ka zhvilluar më 17 shtator të 2021-shit, në stadiumin “Air Albania” , i cili u tha se do të ishte falas.

Veliaj ka reaguar pas këtyre lajmeve dhe ka justifikuar këto veprime të tij, duke thënë se edhe artistët kanë nevojë para.

Ai është shprehur se është mëse normale që këto artistë të paguhen nga taksat e shqiptarëve “sepse edhe një artist ka fëmijë për të rritur, mund të jetë sëmurur me Covid, duhet të mbajë familjen, ka nevojë të paguajë qiranë e shtëpisë ose kredinë në bankë”.

“Në betejën që historia të fitojë mbi histerinë ne duhet të jemi bashkë. I gjithë ky invazion që një pjesë e politikës i bën artit dhe kulturës, duke thënë: ‘Janë paguar me taksat e shtetit’, - patjeter sepse edhe një artist ka fëmijë për të rritur, mund të jetë sëmurur me Covid, duhet të mbajë familjen, ka nevojë të paguajë qeranë e shtëpisë ose kredinë në bankë - duhet të përballohet me mirësi dhe në mënyrë të fisme si argument. Patjetër që artistët do paguhen. Ata janë njerëz që kanë bërë shkollë, që rrisin familje, që duhet të paguajnë gjithashtu taksa, tatime, qera dhe kredi. Ndaj, kjo histeria që këta thonë se po e bëjnë këtë me taksat, - çdo gjë bëhet me taksat, edhe asfalti, edhe ndriçimi me taksat, edhe pastrimi që po ndodh tani në shesh me taksa behet - duhet të dinë se arti është gjithashtu një shërbim publik dhe në këtë sens duhet të jemi të gjithë në një front, për të bërë më shumë histori e më pak histeri”, u shpreh Veliaj gjatë një takimi me artistët e Tiranës./CNA.al