web counter
LEXO PA REKLAMA!

SHKARKO APP

App Store
Google Play

E fundit!

x

“Dy fytyrat” e Veliajt/ Rrugëtimi i tij nga “MJAFT-ist” në "vëllain e vogël të Ramës"

5 Maj 2023, 09:58, Politikë CNA
“Dy fytyrat” e Veliajt/ Rrugëtimi i tij nga
Erion Veliaj

Zëdhënësja e fushatës së Belind Këlliçit, Silvi Bardhi, ka publikuar në rrjete sociale një video ku tregon "dy fytyrat" e kreut aktual të bashkisë, Erion Veliaj.

Bardhi tregon si Veliaj e nisi karrierën e tij si themelues i lëvizjes “Mjaft”, ku sulmonte çdo figurë të socialistëve përfshi edhe ata që sot dalin e mbledhin vota për të, ndërsa sot flet si socialist dhe "vëllai i vogël" i Ramës. 

“E nisi karrirën si themelues i 'MJAFT', nga ku bënte thirrje kundër klasës politike.

Më pas iu bashkua të njëjtës klasë, duke sjellë modelin më të shëmtuar në politikë, atë të një politikani me shumë fytyra, që kujdesej për makiazhin apo fasadën.

Sot flet si socialist, ndërkohë që me MJAFT-in e tij sulmonte çdo figurë të socialistëve, përfshi edhe ata që sot dalin e mbledhin vota për të.

Kundër socialistëve e përdori Edi Rama, deri ditën që mori tërësisht nën kontroll këtë parti.

Më pas e përdori për të goditur çdo element tjetër duke i shfrytëzuar në detaje se Erion Veliaj nuk ka asnjë lloj principi për të arritur atë që dëshiron”, shkruan Silvi Bardhi./ CNA.al





Lajmet e fundit nga