web counter
LEXO PA REKLAMA!

SHKARKO APP

App Store
Google Play

Erion Veliaj: Rama është vëllai im, bekim që punoj me të

4 Maj 2023, 22:18, Politikë CNA
Erion Veliaj: Rama është vëllai im, bekim që punoj me
Erion Veliaj dhe Edi Rama

Kryebashkiaku i Tiranës, Erion Veliaj, ka folur mbrëmjen e sotme për raportin e tij me kryeministrin Edi Ramën, i cili e ka injoruar dhe tallur në disa dalje në publik.

Veliaj tha se zërat për “përplasje” mes tyre nuk janë të vërteta, pasi u shpreh se prej 20 vitesh kanë çdo ditë komunikim me njëri-tjetrin.

“Ka 20 vite që nuk ka ditë që unë nuk kam komunikuar me Edi Ramën. Edhe nëse kemi qenë në udhëtime, edhe në mazhorancë, edhe në opozitë. Unë argëtohem aq shumë me këto. Jemi aq rehat në komunikimin tonë, kemi konfidenca”, u shpreh ai në një dalje televizive.

Kryebashkiaku socialist e cilësoi kreun e qeverisë si vëlla, ndërsa deklaroi se është bekim që punon me të.

“E quaj bekim që kam kryeministrin që ka qenë kryetar bashkie, që i di hallet e qytetit. Kemi një simbiozë, kemi një energji dhe një kimi.

Unë e shoh veten si një bashkëpunëtor besnik me të cilët kemi ndarë ditë të vështira, edhe kur kemi humbur. E konsideroj një vëlla të madh që s’e kam pasur. Sot jam kandidat, Edin e vlerësoj kryeministrin më të mirë që ka pasur Shqipëria në demokraci. Për të do të flitet në libra”, theksoi Veliaj./ CNA.al





Lajmet e fundit nga