web counter
LEXO PA REKLAMA!

SHKARKO APP

App Store
Google Play

E fundit!

x

“Shpopullimi, ëndrra e kundërshtarëve tanë si komb”/ Mediu, mesazh të rinjve: Mos qëndroni indiferentë

5 Maj 2023, 09:32, Politikë CNA
“Shpopullimi, ëndrra e kundërshtarëve tanë si
Foto ilustruese

Kreu i Partisë Republikane, Fatmir Mediu, ka vijuar me takimet elektorale në njësinë numër 5, ku u ka bërë thirrje të rinjve të votojnë dhe të angazhohen për të sfiduar të keqen e këtij vendi.

Mediu thekson se, largimi i shqiptarëve nga Shqipëria, sidomos i të rinjve dhe të rejave, i profesionistëve, ka krijuar një plagë shumë të madhe familjare, sociale, ekonomike dhe politike.

Ai thotë se për herë të parë Shqipëria është në një udhëkryq shumë të madh, të shpopullimit dhe të shpërbërjes.

“Në 33 vite politikë kam parë, kemi ecur përpara, pastaj kemi shkuar mbrapa e kështu me radhë. Por ajo që më bën të besoj sinqerisht që Shqipëria ka të ardhme është kur shikoj Albin, Dianën, Mikaelën, Sentin, Donaldin, Sandrin, të gjithë ju, që doni të angazhoheni, dhe ju kërkoj sinqerisht me insistim, angazhohuni, mos rrini indiferentë.

Zgjedhjet e 14 majit kanë një rëndësi shumë më të madhe sesa thjesht kush do të jetë kryetar bashkie. Është momenti i një sfide ndërmjet të mirës dhe të keqes, të njerëzve që duan që atë që ju ka falur Zoti, mundësitë, liritë, të gjitha këto potenciale që ka Shqipëria, t`i kthejnë në mundësi për të zhvilluar ekonominë e tyre familjare dhe të ndërtojnë jetesën këtu në Shqipëri, përballë të keqes që po e shkatërron cdo ditë e më shumë të ardhmen tonë.

Largimi i shqiptarëve nga Shqipëria, sidomos i të rinjve dhe të rejave, i profesionistëve, ka krijuar një plagë shumë të madhe familjare, sociale, ekonomike dhe politike.

Ne jemi përballë një situate jashtëzakonisht të vështirë. Për herë të parë Shqipëria është në një udhëkryq shumë të madh, të shpopullimit dhe të shpërbërjes. Kjo ka qenë një ëndërr edhe e atyre që kanë qenë kundërshtarët tanë si komb. Përballë kësaj situate mendoj që është e domosdoshme ta kuptojmë rëndësinë e kësaj sfide, të mirës kundër së keqes. Prandaj secili duhet të gjykojë sipas mënyrës së vet.

E para, kush është njeriu për të cilin duhet të votojmë?

E dyta, cila është politika që mbështet një njeri të caktuar, për t`i dhënë mundësinë që të na përfaqësojë dhe të jetë zë dhe mundësi për secilin për Këshillin Bashkiak apo në krye të bashkisë.

Unë kam dëshirën dhe besoj që kjo duhet të jetë dhe te pjesa tjetër e lidershipit politik, që në qoftë se neve na u dha një mundësi në vitin 1990 nga të rinjtë për të drejtuar politikën, ka ardhur koha që ne duhet t`ua kthejmë politikën të rinjve.

Ka shumë njerëz të mirë në këtë vend, në Shqipëri dhe jashtë Shqipërisë, që mund të krijojnë Parlamentin më fantastik dhe më kualitativ dhe qeverinë më të mirë për Shqipërinë.

Nuk është vetëm interesi ynë, nuk jemi vetëm ne, ka shumë njerëz të mirë ky vend që mund të ecë përpara”, ka thënë Mediu./ CNA.al





Lajmet e fundit nga