web counter
LEXO PA REKLAMA!

SHKARKO APP

App Store
Google Play

E fundit!

x

Kreshnik Spahiu: Berisha, fushatë më shumë kundër Yuri Kim se socialistëve

5 Maj 2023, 11:26, Politikë CNA
Kreshnik Spahiu: Berisha, fushatë më shumë kundër Yuri Kim
Analisti Kreshnik Spahiu

Analisti Kreshnik Spahiu ka deklaruar se ish-kryeministri Sali Berisha po bën fushatë më shumë kundër SHBA-së sesa ndaj kundërshtarëve të tij politik.

Gjatë një interviste në "Euronews", Spahiu u shpreh se Berisha më shumë sulmon ambasadoren Yuri Kim sesa kreun aktual të bashkisë, Erion Veliajn.  

Sipas analistit, Shqipëria dhe Kosova e humbasin sovranitetin për 24 orë nëse nuk kanë SHBA-në dhe Perëndimin, aleancën euroatlantike.

 “Unë nuk e kuptoj nëse Berisha e Meta kanë sfidë për të larguar Yuri Kim apo kanë sfidë për të larguar  Erion Veliajn. Berisha zhvillon fushatë elektorale më shumë kundër SHBA-së sesa kundër socialistëve. Në çdo ligjeratë të tij, artikulimi i tij kundër SHBA-së është më i fortë, më agresiv e më i ashpër sesa kundër socialistëve.

Aq rëndë është situata në Shqipëri, sa disa individë që janë të dhj*rë deri në grykë, duan të vishen në petkun e sovranitetit.

 Po si mund të jesh sovran kur i ke hequr të mbathurat Shqipërisë, e ke bërë Shqipërinë një vend që është pa avion, pa tren, pa tanke, pa armatime, ke hapur depot. Për ça sovraniteti mund të flasin këta njerëz?

Shqipëria dhe Kosova e humbasin sovranitetin për 24 orë nëse nuk kanë SHBA-në dhe Perëndimin, aleancën euroatlantike. Çdo slogan kundër SHBA-së është një mesazh antishqiptar”, ka deklaruar Spahiu./ CNA.al 





Lajmet e fundit nga