Buxheti për shëndetësinë/ Berisha: 2/5 shkojnë për aferat kriminale

22 Nëntor 2023, 17:56, Politikë CNA

Buxheti për shëndetësinë/ Berisha: 2/5 shkojnë për

Ish-kryeministri Sali Berisha

Ish-kryeministri Sali Berisha ka folur për buxhetin e vitit 2024, duke theksuar se për arsimin dhe shëndetësinë nuk shënohet asnjë avancim por përkundrazi shënohet një mashtrim i ri dhe një shpërdorim të madh.

Në rastin e buxhetit të shëndetësisë, Berisha nënvizon se 2/5 e tij shkojnë për afera kriminale siç është ai i sterilizatorëve, proces i të cilit kushton 4 herë më shumë në Gjermani.

Berisha thotë se këto koncesione vijojnë të gllabërojnë paratë e buxhetit pasi janë ndërmarrje të Edi Ramës.

Përkundrazi shton Berisha as Ilir Beqaj dhe askush tjetër nuk do të guxonte të firmoste një marrëveshje të tillë.

“Por kur hartojnë një buxhet të tillë dhe hartojnë ata do donin ta votonin atë për 3 minuta.

Buxheti që parqesin për arsimin dhe shëndetësinë është një buxhet që nuk shënon një avancim dhe nuk përputhet me kërkesat e këtyre fushave, përkundrazi shënon një rënie, një mashtrim të ri dhe një shpërdorim të madh.

Në rast se marrim buxhetin për shëndetësinë. 2/5 e tij shkojnë për aferat kriminale të njohura të sterilizatorëve procesi i cili në Shqipëri kushton 4 herë më shtrenjtë se në Gjermani.

Kjo megjithë vendimet që ka marrë gjoja gjykata vijon njëlloj të gllabërojë paratë e buxhetit se është ndërmarrje e Edi Ramës. Ju garantoj ju dhe shqiptarët se Ilir Beqaj dhe asnjë Ilir Beqe tjetër cilido të jetë ai, nuk do të guxonte kurrë të firmoste një marrëveshje të tillë. Nuk ka ministër që mund të firmosë një aferë si ajo e sterizlimit. Autori i saj i vërtetë është njeriu që për sipërmarrjen e vet dilte para shqiptarëve me një pincë të thyer dhe gërshërë me një krah duke menduar se mashtronte ata se ja me çfarë operoheshin.

Sado që Beqaj është një hajdut paraekslancë sipërmarrësi numër një është direkt Edi Rama. Nuk ka ministër dhe zv kryeministër që mund të firmosë një marrëveshje të tillë. Atë e firmos vetëm në emër të kryeministrit.

I tillë po në këto përmasa është check-up . I tillë janë analizat . Këto procedura përveçse një vjedhje e madhe, janë një gjobë e rëndë shumë për qytetarët e sëmurë. Sot shqiptarët detyrohen të bëjnë analizat ku të munden dhe me çmime 3-4 herë më të larta se në Gjermani. Çmime stratosferike”, ka thënë Berisha./ CNA