Berisha zbulon detaje nga gjyqi për Malltezin: Dëshmia e turpshme e prokurores Millonai

21 Nëntor 2023, 13:14, Politikë CNA

Berisha zbulon detaje nga gjyqi për Malltezin: Dëshmia e turpshme e

Sali Berisha

Kreu i Partisë Demokratike, Sali Berisha ka akuzuar prokuroren Enkelejda Millonai se kjo e fundit ka deklaruar në gjyqin ndaj tij dhe Jamarbër Malltezit se korrupsioni është një vepër që konsumohet edhe duke zbatuar ligjin. Në konferencën me gazetarët Berisha tha se nuk dëshironte të komentonte ndryshimin e masës ndaj dhëndrit të tij pasi ky është një vendim që dëshmon kontrollin e plotë të sistemit të drejtësisë dhe shndërrimin e saj në degë ekzekutivi të narkodiktaturës.

“Së pari më duhet të them se nuk ka asnjë risi në vendime të cilat dëshmojnë kontrollin e plotë e total të sistemit të drejtësisë, shndrrimin e saj në degë ekzekutivi nga narkodiktatura e Rama. Unë, dua t’u informoj se dje në sallën e gjyqit, famozja për lidhjet e saj obscure me Ballën ka deklaruar: sipas saj korrupsioni konsumohet edhe duke zbatuar ligjin. Ska skandal më immoral sesa ky. Kur një njeri i ligjit deklaron se mosshkelja e ligjit është krim, ajo fshin çdo normë e çdo kufi mes moralit e imoralitetit, midis ndershmërisë e pandershmërisë. Një deklaratë të tillë ju siguroj se nuk e gjeni dot as në gjyqet më të egra të diktaturave, por për Millonain një lidhje obscure me Ballën, konsumohet korrupsioni duke respektuar ligjin. A ka deklaratë më perverse e kriminale se kjo? Nëse ka një garanci transprenca, mosabuzmi, mbrojtja, ai është zbatimi i ligjit” -tha Berisha.

Më tej kryedemokrati përsëriti sërish akuzat për Arben Krajën e Irena Gjokën, duke deklaruar se as njëri e as tjetri nuk duhet të ishin pjesë e sistemit të drejtësisë.

“Ajo e ka shqipëruar dje dhe është në audio në gjykatën e apelit, por atë e ka shkruar Rama me larot e tij, ish oficerin famëzi Kraja, i cili qëndron në detyrë në kundërshtim me ligjin dhe mendon se duke u përdorur si zagar i Ramës do ti zgjasë ky post. Kraja u largua nga ligji i lustracionit nga Berisha, po edhe në ligjin e ri sërish nuk lejohet një ish hetues të jetë brenda sistemit. Këtë e ka thënë Millonai, me guxim në sallën e gjyqit se korrupsioni konsumohet edhe kur zbatohet ligji. Këtë e bën vetëm Rama që shërbehet me një gjykatse. Gjykatësja që fshihet pas emrit të burrit, jam Gjoka s’jam Mmaneku. U gjet edhe data se ajo është dënuar nga sistemi me masë disiplinore shkarkimi. Është gjetur është marrë masa, ka kryer krimin sepse ajo duhet të shkruantëe smund të gjykoj këtë cështje për shkak të dënimit në 1996. Pasi e gjeti ministria e drejtësisë kjo tha nuk jam unë se kam mbiemër tjetër. Kjo ndodh vetëm në shtetin e dordolecit, ky është procesi.” – tha Berisha.

Kreu demokrat pranoi se nuk do të shkojë të paraqitet në seanca sikundër është kërkuar nga SPAK pasi ai është një vendim që shkel Kushtetutën e vendit. Berisha kërkoi që shkresa për thirrjen e tij të dorëzohet në Kuvend dhe ai vetë do ta votojë atë./CNA