web counter
LEXO PA REKLAMA!

SHKARKO APP

App Store
Google Play

E fundit!

x

“2 gardistë për një deputet”/ Deputetja e PD: Rama, frikacak

20 Nëntor 2023, 15:24, Politikë CNA
“2 gardistë për një deputet”/ Deputetja e PD: Rama,
Kryeministri Edi Rama

Deputetja e Partisë Demokratike, Albana Vokshi, ka komentuar situatën e sotme në parlament ku prezent pas shumë kohësh ka qenë dhe kryeministri i vendit Edi Rama.

Vokshi deklaroi se ashtu siç ishte paralajmëruar as ditën e sotme nuk pati zhvillim normal të seancës parlamentare.

Deputetja tha se salla e Kuvendit ishte mbushur plot gardistë, dy gardistë për një deputet dhe se janë ushtruar kontrolle fizike, gjë të cilën e ka quajtur të paprecedentë.

Sipas Vokshit, e gjithë kjo ndodhi se Rama është frikacak, por theksoi se nuk do t’i ecin këto skenarë me opozitën.

 “Ashtu si nisi në mënyrë antikushtetuese, ashtu edhe përfundoi. Askush nuk e di se çfarë ka miratuar Edi Rama nën tymin e flakadanëve. Ne nuk do të lëmë të ketë seancë normale nëse nuk do respektohen të drejtat e opozitës. Ishte ajo që Bardhi e paralajmëroi që ditën e shtunë. Nxori një foto se si do ishte vendosja e gjithë gardistëve.

Dhe ishte e njëjta me atë që ishte sot. Kishin hyrë qindra gardistë brenda dhe të tjerë jashtë. Po pse kjo? Sepse sot vinte Edi Rama. Në asnjë rast nuk lejohet që garda të futet në mes të deputetëve. E dini se sot ka pasur dy gardistë për çdo deputet? Në pjesën e brendshme të hollit dhe në pjesën e jashtme. A është parlament i lirë ky?

I kam kërkuar drejtuesit të gardës që të më tregojë urdhrin. Kushdo që ka fut gardën brenda, ka shkelur kushtetutën. SPAK duhet të hetojë.

U bënë kontrolle fizike deputetëve, e paprecedentë! Jo vetëm kontrolle me skaner, por edhe fizike. Nuk e ndal gjë protestën. Rama i ka bërë llogaritë keq me ne. Nuk na cakton dot, nuk na kontrollon dot.

Rama sot kishte ardhur për të folur, por ai është frikacak dhe iku pa folur dhe e mbylli me 4 minuta. Mos i besoni ato që shkruan nga zyra, por shikoni si e ka të nxirë fytyrën në seancë plenare ”, u shpreh Vokshi./ CNA





Lajmet e fundit nga