web counter
LEXO PA REKLAMA!

SHKARKO APP

App Store
Google Play

E fundit!

x

Rama ironizoi opozitën/ I kthehet keq Bardhi: Frikacak, na fute në sallë 65 gardistë

20 Nëntor 2023, 13:03, Politikë CNA
Rama ironizoi opozitën/ I kthehet keq Bardhi: Frikacak, na fute në
Kreu i Grupit Parlamentar të PD-së, Gazment Bardhi

Kryeministri Edi Rama ironizoi opozitën pas seancës plenare, e cila zgjati vetëm 5 minuta dhe u shoqërua nga kaosi.

Pas deklaratës së tij ka ardhur një reagim nga kreu i Grupit Parlamentar të PD-së, Gazment Bardhi.

Ky i fundit hedh akuza ndaj kreut të qeverisë, teksa thotë se futi në politikë përfaqësues të krimit të organizuar, vrasës dhe trafikantë.

Bardhi deklaron se sot Rama futi 65 gardistë në Kuvend nga frika, pasi është kapur me afera korruptive miliona euro.

“Edi Rama futi në politikë e parlament përfaqësues të krimit të organizuar, trafikantë, vrasës e hajdutë, duke e bërë Shqipërinë të vetmin vend në Evropë që kishte nevojë për miratimin e një ligji për dekriminalizimin e politikës.

Sot si një frikacak i kapur në flagrancë me aferat korruptive miliona euro që hetohen e gjykohen çdo ditë nga drejtësia, kishte futur në sallën e Kuvendit 65 gardistë, për ta mbrojtur ndërsa miratonte si manikin buxhetin që financon vetëm PPP korruptive dhe projektet që injektojnë më shumë para për tenderat që kontrollohen nga krimi i organizuar”, thekson deputeti demokrat./ CNA





Lajmet e fundit nga