web counter
LEXO PA REKLAMA!

SHKARKO APP

App Store
Google Play

E fundit!

x

Pas përplasjes me Gardën, Berisha del "live"/ Mesazh deputetëve socialistë

20 Nëntor 2023, 09:35, Politikë CNA

Pas përplasjes me Gardën, Berisha del "live"/ Mesazh

Ish-kryeministri Sali Berisha nuk është lejuar nga Garda të flasë në foltoren e Parlamentit, ku opozita ka mbërritur një orë para nisjes së seancës plenare.

Berisha doli "live" në rrjetet sociale, ku hodhi akuza ndaj kryeministrit Edi Rama, duke thënë se e ka kthyer Parlamentin në repart ushtarak.

Gjithashtu, kreu i demokratëve dha edhe një mesazh për deputetët socialistë.

“Edi Rama e ka 'shtruar' Parlamentin në repart ushtarak, të pashembullt dhe vetë është strukur. Rama ka ardhur herët nga frika se mos i bllokohet dera. Erdhi me karvan të gjatë makinash dhe po ashtu do të ikë. E ka kapur frika, erdhi me një karvan të gjatë makinash. Po ashtu do ikë.

Ne po mbrojmë të drejtat tona kushtetuese, të popullit opozitar. Këta po mbrojnë një grup hajdutësh, janë fatkëqinj. Ajo Linda, ka rekordin më të zi të keqshfrytëzimit nga Rama dhe funksionimit të saj si një njeri pa dinjitet. Si një njeri që nuk njeh dhe shkelmon rregulloren.

Këtu mbrapa meje janë deputetë socialistë. Po pse i mbani këta gardistë, po ju pyes unë ju?
Keni kaq shumë frikë nga opozita? Opozita këtu është në mosbindje civile, po nuk ka punë me ju, të gjithë problemin e ka me Edi Ramën.

Shikoni, katër gardistë kanë rrethuar Pastorin, i cili ka hequr Biblën dhe ka marrë Manifestin. Kjo është salla në parlament në ditën më solemne, kur duhet të miratohet buxheti, por këta kanë tmerr nga buxheti. Se ky është buxheti i vjedhjes më të madhe në historinë e vendit.”, deklaroi Berisha./ CNA





Lajmet e fundit nga