web counter
LEXO PA REKLAMA!

SHKARKO APP

App Store
Google Play

E fundit!

x

Afera e sterilizimit/ Berisha: Beqaj ka përgjegjësi, por është thjesht një vegël e Ramës

18 Nëntor 2023, 19:07, Politikë CNA

Afera e sterilizimit/ Berisha: Beqaj ka përgjegjësi, por

Ish-kryeministri Sali Berisha komentoi masën e sigurisë të marrë nga Gjykata e Posaçme ndaj ish-ministrit të Shëndetësisë, Ilir Beqaj për aferën me sterilizimet.

Berisha tha se Beqaj ka përgjegjësi për abuzimin, por pretendoi se është thjesht një vegël e kryeministrit Edi Rama.

Sipas tij, personi që donte të mbulonte vjedhjen me sterilizimin ishte Rama dhe jo Beqaj.

"Ju dëgjuat sot, se kërkoi vendosjen e masës së sigurisë nga Beqjes. Po çfarë është Beqaj thoni ju? Beqja është thjeshtë një vegël e Edi Ramës. A ju kujtohet ju të gjithëve se kush dilte nga televizioni në televizion me një gërshërë bisht thyer dhe një pincë me një krah.

Nuk dilte Beqaj, ai është hajdut, por nuk dilte ai. Nuk dilte asnjë njeri tjetër. Dilte Edi Rama. Kalonte nga studio në studio dhe ju thoshte ju; ja me se operoheshit. Nuk është budalla. Ai e dinte se gërshëra me një krah nuk pret, se pinca e thyer nuk kap. Po ai donte të krijonte imazhe të tilla për të mbuluar vjedhjen e tmerrshme të tij me sterilizimin, me të cilat ai rriti jo 1, 3 apo 5 herë, çmimin e sterilizimit. 83 herë u rrit çmimi i sterilizimit, duke marrë në sipërmarrjen e një mjeku, atë që kishte një ndërmarrje muratori, aparaturat ultramoderne të shtetit për sterilizim, lokalet e reja të shtetit për sterilizimin dhe i sterilizonte ato 83 herë me çmim më të lartë.

Me mijëra të sëmurë nuk operoheshin dot më. Beqaj ishte thjesht një shërbëtor i Ramës. Rama e shiste ndërmarrjen e tij me pincën e thyer dhe gërshërë. Por Rama qëndron mbi ligjin dhe Kushtetutën.Po pse nuk lejon komisionet hetimore parlamentare? A e dini ju? Ua them unë. Ato nuk lejohen sepse Sali Berisha, deputetët përfaqësues tuaj, duan të hetojnë në emrin tuaj Edi Ramën personalisht. Duan të hetojnë çdo pushtetar, ish-pushtetar", deklaroi ish-kryeministri./ CNA





Lajmet e fundit nga