E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Aksioni opozitar/Zbulohet plani, cilat janë hapat e radhës së opozitës

18 Nëntor 2023, 12:49, Politikë CNA

Aksioni opozitar

Ish-kryeministri Sali Berisha ka paralajmëruar se do të intensifikohet aksioni opozitar dhe do ti hapet rruga referendumeve. Gjatë bashkëbisedimit me qytetarët Berrisha tha se synimi është krijimi i një lëvizjeje të fuqishme popullore që asnjë diktaturë nuk do të mundet ti rezistojë.

“Çdo ditë secili prej qytetarëve, opozitar ose jo, por njeri i ndershëm, që e sheh vendin e tij, ku vota nuk ka vlerë, ku gjykata nuk ka drejtësi, ku në parlament opozita është politikisht e ekzekutuar, duhet të mendojë se çfarë do të bëjë ai për të shpëtuar Shqipërinë. Me se do të angazhohet, çfarë kontributi do të japë ai. Unë jam i bindur se në këtë mënyrë ne do të arrijmë një lëvizje të fuqishme popullore, në një uragan që nuk ka diktaturë që mund ti rezistojë. Ky është synimi ynë. Ne kemi shpallur betejë pa kthim. Ndryshimet Kushtetuese kërkojnë një kuorum jo të thjeshtë. Dua që të hapet rruga e referendumeve, de-juro po, por de-fakto janë të parealizueshme. Ne do të luftojmë që të bëjmë referendume të realizueshme dhe pastaj çdo ndryshim që kërkon publiku t'i nënshtrohet referendumit. Secili demokrat, demokrate, opozitar, duhet të betohet për vendosmërinë e tij pa kthim, kontributin e tij pa kthim kundër kësaj diktuare. Në 1991 përmbysëm një diktaturë, pikërisht se qëndruam në betejë pa kthim, se arritëm të bashkojmë të rinj, burra, gra, vajza, djem, të moshuar kundër saj. Dhe kjo po ndodh dhe tani” -tha Berisha.

Po ashtu kryetari i partisë Demokratike tha se deputetët e opozitës do të qëndrojnë të pamposhtur aty ku janë mandatuar ndaj kërkoi që qytetarët ti mbështesin këta të fundit.

Deklarata e Berishës vjen pasi prej disa javësh, pas refuzimit të mazhorancës për të pranuar kërkesën e deputetëve opozitarë për ngritjen e tetë komisoneve hetimore, deputetët opozitarë kanë nisur një aksion duke penguar zhvillimin e komisioneve parlametare dhe seancave të Kuvendit./CNA