E fundit!

22:44 Aktualitet

Eric Wendt një hap larg emërimit/ Komiteti i Senatit voton pro gjeneralit si ambasador i SHBA-së në Shqipëri

Komiteti për Marrëdhëniet me Jashtë i Senatit amerikan ka ...

Berisha - gazetarëve: Kërkoni informacion nga Irena Gjoka, e kam shkarkuar apo jo në 1996

16 Nëntor 2023, 13:44, Politikë CNA

Berisha - gazetarëve: Kërkoni informacion nga Irena Gjoka, e kam

Sali Berisha

Sali Berisha ka reaguar sërish sot në lidhje me akuzën e tij se ka shkarkuar në 1996 gjyqtaren e SPAK-ut, Irena Gjoka. Ai u është drejtuar gazetarëve duke u kërkuar që ta pyesin Irena Gjokën nëse është shkarkuar apo jo me vendim të tij në mënyrë ekzemplare nga Sali Berisha kur vetë ky i fundit ishte në krye të presidencës.

“Për të thënë që unë të kam favorizuar ty apo ndonjë tjetër, së pari a ke dokumente të rregullta apo jo. Se favoret bëhen ose duke shkelur dokumentet, ose duke shkelur procedurën. Mekanizmat kryesorë. Asnjë procedurë nuk është shkelur. Asnjë dokument. Të gjitha dokumentet janë origjinale. Dhe ju lutem mos harroni, pyesni pak atë Irena Gjokën, dhe me këtë rast i bëj një thirrje një akrabasë së saj, që është si punë ministri për prokurorinë, ka qenë apo nuk ka qenë kjo zonjë e ndëshkuar nga Sali Berisha në mënyrë ekzemplare. Pyesni pak, mos ngurroni,” – tha Berisha.

Kryedemokrati tha se nëse ajo ka qenë e shkarkuar dhe e fsheh këtë, ajo po fshihet pas krimit të saj dhe bëri thirrje që edhe ministri të hetojë për këtë çështje, ndërsa sqaroi se në qeverisjen e tij funksiononte gjithë makineria shtetërore.

“I them edhe atij ministrit të prokurorisë, ndihmoje gjindjen tënde të bëhet një njeri. Se nëse nuk ka qenë, nuk mundet kurrë të trysnohet një person. Po nëse ka qenë dhe e fsheh, ajo fshihet prapa krimit të saj. Prandaj shtrojeni këtë pyetje. Pra, sot këto shifra janë që të gjitha, 53.775 vendime. Makineria shtetërore e asaj kohe funksiononte, ndaj dhe unë shpreh mirënjohje të pakufishme ndaj të gjithë atyre punonjësve që me përkushtim kanë arritur në 6 vite, sepse viti 2013 nuk përfshihet në këtë statistike, të rikthejnë gjithsej 1 miliard e 577 milionë e 400 mijë metër katrorë. Të rikthejnë më shumë se 90 për qind të të gjitha aplikimeve”, - përfundoi Berisha./CNA