LEXO PA REKLAMA!

SHKARKO APP

"Gërdeci"/ Shtyhet seanca në GJKKO për Fatmir Mediun, mungojnë avokatët

16 Nëntor 2023, 10:40, Politikë CNA

 

"Gërdeci"/ Shtyhet seanca në GJKKO për Fatmir Mediun,
Fatmir Mediu

Gjykata e Posaçme për Korrupsionin dhe Krimin e Organizuar ka shtyrë për në 30 nëntor seancën e gjyqit për çështjen “Gërdeci”.

Në seancën ku do të pyeteshin 7 dëshmitarë, kanë munguar dy avokatët e ish-ministrit të Mbrojtjes Fatmir Mediu.

Në shtator të këtij viti, Mediu kërkoi gjykim të zakonshëm për çështjen, duke hequr dorë nga gjykimi i shkurtuar, ç’ka do të thotë se për Gërdecin do të niste një gjyq nga e para.

Gjykata nuk ka pranuar listën e dëshmitarëve që u paraqitën nga avokatët e Mediut por vetëm dëshmitarët e Prokurorisë.

Ish-ministri i Mbrojtjes, Fatmir Mediu, po gjykohet në GJKKO për çështjen “Gërdeci” për dy akuza atë të “Shpërdorimit të Detyrës” dhe “Shpërdorim i detyrës në bashkëpunim me subjekt ushtarak-kuadër komandues”.

Shpërthimi i ndodhur në depon e demontimit të armëve në Gërdec në 15 mars të 2008, ku humbën jetën 26 persona./CNA

 

Lajmet e fundit nga