web counter
LEXO PA REKLAMA!

SHKARKO APP

App Store
Google Play

“21 Janari”, Berisha: I gatshëm për rihetim

15 Nëntor 2023, 13:19, Politikë CNA
“21 Janari”, Berisha: I gatshëm për rihetim
Sali Berisha

Sali Berisha, kryetar i Partisë Demokratike, ka pranuar se është i gatshëm për rihetim të 21-janarit.

I pyetur nga gazetarët nëse do të pranonte një rihetim të çështjes së 21 janarit pas vendimit të ardhur nga Gjykata e Strasburgut për çështjen e Aleks Nikës, Berisha tha se beson që kjo dosje është hetuar tashmë por edhe nëse nuk është hetuar si duhet kjo është për faj të Ramës.

“Jam 100 për qind dakord për hetim dhe rihetim të çdo procesi. Por sqaroj shqiptarët se nëse ai proces nuk është hetuar siç duhet, ai nuk është hetuar vetëm për shkak të Edi Ramës. Për të mbrojtur Edi Ramën, i cili është autori i vërtetë prapa asaj që ndodhi.
I cili erdhi dhe e rrethoi kryeministrinë me banda dhe banditë, në një protestë më të dhunshmen në historinë e vendit. Me qëllime të caktuara ndaj pushtetit.
Edi Rama i ka të gjithë deklaratat e tij në televizion, se kur populli do të bëjë këtë, se kur populli do bëjë atë.
Kështu që ishte ky kontekst që bëri që Ina Rama dhe jo akuzat e mia ndaj Ina Ramës. Se unë publikisht i bëra të qarta qëndrimet ndaj saj, të mos bëjë, ndoshta siç thotë Strasburgu, hetimin e duhur.”, tha ish-kryeministri.

Një ditë më parë Gjykata e Strasburgut dha vendimin për çështjen e vrasjes së Aleks Nikës duke sqaruar se qeveria kishte bërë dy shkelje në këtë rast, vrasja dhe moszbardhja e ngjarjes./CNA

 





Lajmet e fundit nga