“Nuk jam mjaftueshëm politikan…”/ Rama: Kam kaluar përvoja të dhimbshme si baba nga liria e fjalës

14 Nëntor 2023, 18:55, Politikë CNA

“Nuk jam mjaftueshëm politikan…”/ Rama: Kam kaluar

Kryeministri Edi Rama

Kryeministri Edi Rama ka treguar eksperiencën personale gjatë fjalës së tij në Forumin e Medias për Europën Juglindore.

Rama tha se ka kaluar vështirësi dhe është ndjerë i fyer nga mungesa e respektit që njerëzit kanë treguar në emër të fjalës së lirë.

Ai deklaroi se i kanë përmendur edhe njerëzit që nuk jetojnë më dhe për këtë arsye theksoi se kur flitet për fjalën e lirë nuk është mjaftueshëm politikan.

“Do të botoja artikull në ‘The Guardian’”/ Rama: Më erdhi një mesazh, nuk më zuri gjumi gjithë natën
14 Nëntor, 18:47

“Duke qenë një njeri që ka luftuar për lirinë e fjalës, duke qenë se më është dashur të ndjej gjakun, gjakun e vërtetë e jo atë metaforik në gojë për shkak të kësaj e kam gjithmonë problem ta ndaj veten time si kryeministër, apo çfarëdo qoftë nga kjo pjesë e vetes sime që ndihet tejet e fyer nga kjo mungesë tërësore respekti për kaq shumë njerëz, të cilët edhe ditën e sotme lufojnë të kenë mundësinë të thonë diçka që nuk e thonë dot, mungesën e respektit për kaq shumë njerëz që kanë vdekur sepse kanë thënë diçka e kështu me radhë.

Prandaj është personale për mua. E di se nuk është gjë e mirë, por për këtë pjesë nuk jam mjaftueshëm politikan dhe e di që kjo nuk do të zgjidhë asgjë, por e di që ju nuk jeni mërzitur dhe kjo është gjëja më e rëndësishme. Se të ftosh mikun në shtëpi dhe ta mërzisësh është në fakt katastrofa më e madhe, sipas këndvështimit tim. Kështu që jam i sigurt që nuk u mërzitët, për pjesën tjetër nëse nuk bini dakord për mua nuk është problem”, u shpreh ai.

21 sulme në Shqipëri/ Rama: Sot në rrezik nuk janë gazetarët, por e vërteta
14 Nëntor, 18:29

Më tej, kreu i qeverisë përmendi e djalin e tij të vogël, Zaon, teksa tha se lajmet e kanë bërë të kalojë përvoja të dhimbshme dhe të vështira në përballjen si baba.

“Është e tmerrshme kur sheh fëmijët e tu që nuk e kuptojnë se çfarë ndodh. Kam një djalë të vogël, kemi bërë gjithçka që ta mbajmë sa më larg të jetë e mundur nga lajmet, por tani nuk është aq i vogël sa të jetë krejt i paditur për atë çka ndodh dhe të përballesh tanimë nga pyetjet që dalin nga kjo botë e fjalës së lirë është përvoja më e dhimbshme dhe më e vështira për t’u përballur si baba”, nënvizoi Rama./ CNA