web counter
LEXO PA REKLAMA!

SHKARKO APP

App Store
Google Play

E fundit!

x

Toni Gogu kërkon dialog me opozitën: Gati të ulemi për reformën zgjedhore

14 Nëntor 2023, 10:26, Politikë CNA
Toni Gogu kërkon dialog me opozitën: Gati të ulemi për
Toni Gogu

Zv/kryetari i grupit parlamentar socialist, Toni Gogu, në një dalje mediatike ka pranuar se mazhoranca është e gatshme të ulet dhe të negociojë me opozitën për reformën zgjedhore. Në një kohë kur opozita prej më shumë se dy javësh ka nisur aksionin opozitar duke mos lejuar zhvillimin normal të komisioneve apo seancave parlamentare, pasi mazhoranca u ka mohuar çdo kërkesë për komisione hetimore.  

 “Ne jemi të gatshëm që të negociojmë dhe të ulemi, për shkak se e dimë shumë mirë që reforma elektorale do t’i shërbejë më të mirës shqiptare, dhe të përmirësimit të zgjedhjeve. Që të marrim dhe të eksperimentojmë për sisteme, të cilat, ndoshta janë ndryshe nga ata që kemi sot, nuk e di, ajo që di unë si anëtar i atij komisioni, është që ai komision e ka të tërë vullnetin për të marrë dhe për të diskutuar çfarëdo lloj propozimi, që përputhet me rekomandimet e OSBE-ODIHR, dhe gjithashtu, përputhet me jurisprudencën kushtetuese, e cila na ka lënë disa detyra. Komisioni duhet të fillojë nga puna një orë e më parë”, tha Gogu.

Aktualisht mazhoranca po diskuton në komisionet parlamentare buxhetin 2024 dhe parashikon që brenda muajit dhjetor ta kalojë në Kuvend. Një ditë më parë kreu demokrat Sali Berisha tha se nuk do të njohë asnjë ligj, të cilin Rama dhe qeveria e tij e miratojnë në mospërputhje me Kushtetutën./CNA

 





Lajmet e fundit nga