web counter
LEXO PA REKLAMA!

SHKARKO APP

App Store
Google Play

Von der Leyen e prerë/ “BE do të financojë vetëm nëse do të kryhen reforma të thella”

16 Tetor 2023, 12:30, Aktualitet CNA
Von der Leyen e prerë/ “BE do të financojë vetëm
Presidentja e Komisionit Europian, Ursula von der Leyen

Presidentja e Komisionit Europian, Ursula von der Leyen, është treguar shumë e qartë duke u shprehur se ekonomia e Ballkanit Perëndimor mund të rritet vetëm nëse do të ketë reforma të thella edhe për klimën e biznesit.

Von der Leyen deklaroi se nuk është e mjaftueshme vetëm hapja e dyerve të BE-së, por Ballkani Perëndimor duhet të plotësojë disa kushte, duhet të plotësojnë tregun e tyre rajonal dhe t'u ofrojnë qasje vendeve fqinje në tregun e tyre.

“Nëse do të ketë bllokime”, tha Von der Leyen, ”atëherë do të bllokoni vetëm veten”.

Presidentja e KE nënvizoi se BE do të financojë Ballkanin Perëndimor në rast se kryhen reformat.

Në fund të fjalës së saj ajo përcolli mesazhin e saj për vendet e Ballkanit Perëndimor duke u shprehur se ky është një moment shumë i rëndësishëm dhe duhet të kapin mundësitë. "Duhet të punojmë për të çuar Ballkanin Perëndimor aty ku i takon, në zemër të BE-së", tha Von der Leyen./

“Hapja e dyerve nuk mjafton. Vendet e Ballkanit Perëndimor  duhet të plotësojnë tregun e tyre rajonal. Është kusht që të ofrojnë qasje fqinjve në tregun e tyre. Nëse ka bllokime , do bllokosh veten tënde. Për të ecur përpara kërkohen reforma të thella për ta bërë mjedisn edhe më tërheqës. BD do financojë në rast se kryhen reformat.

Vetëm duke punuar së bashku ne do të bëjmë të mundur që Ballkani Perëndimor do të vijë aty ku i takon në zemër të BE-së.

Këto janë momente decizive mos e lini momentin dhe mundësitë tu ikin”, tha Von der Leyen.CNA





Lajmet e fundit nga