web counter
LEXO PA REKLAMA!

SHKARKO APP

App Store
Google Play

Shehi del kundër opozitës/ Po shpërdoron ‘armën’ që ka, protesta bëhet edhe për interesa personale

13 Nëntor 2023, 21:38, Politikë CNA
Shehi del kundër opozitës/ Po shpërdoron ‘armën’
Dashamir Shehi, kreu i Lëvizjes për Zhvillim Kombëtar

Dashamir Shehi, kreu i Lëvizjes për Zhvillim Kombëtar, nuk ka përkrahur opozitën për protestat në Parlament.

Shehi tha në emisionin e Alba Alishanit se ka zgjedhur të solidarizohet me kolegët duke mos marrë pjesë në komisionet parlamentare.

Megjithatë, ai theksoi se bllokimi i seancave plenare dhe komisioneve nuk është rruga e duhur për të fituar të drejtat parlamentare.

“Por që të mendoj se kjo është rruga me të cilën duhet të kalojmë ne për të rifituar të drejtat tona parlamentare, për t’iu drejtuar shqiptarëve, se ç’është e mira dhe ç’është e keqja... është një skemë që e kemi përdorur disa herë”, u shpreh ai, ndërsa theksoi se PD po shpërdoron armën që ka.

“Parlamenti del në rrugë, protesta është një formulë. Të futësh rrugën në Parlament, nuk vlen. Zëri për të folur në Parlament është arma që ka sot opozita. Dhe më duket se po e shpërdorojmë. Mirë, keq, gojën nuk na e mbyllin dot ata”, vijoi kreu i LZHK-së..

Shehi ngriti pretendimin se aksioni i opozitës nuk ka si shkak vetëm qëndrimin e mazhorancës, por ka edhe interesat personale

“Brenda një proteste ka shumë arsye. Sigurisht brenda kësaj lufte ka edhe interesa personale, ka rivalitet brenda opozitës njëherë dhe kjo u bë një histori që ndiqet 2 vjet e ca dhe kjo ka prodhuar vetëm sherre. Dhe kjo që ndodh sot, gjyqësori që u bë sot”, nënvizoi ai./ CNA





Lajmet e fundit nga