E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

FOTO/ "Kokëfortësia" e mazhorancës, deputetët e PS-së zhvillojnë mbledhjet nga kafenetë dhe makinat

14 Nëntor 2023, 10:42, Politikë CNA

FOTO/ "Kokëfortësia" e mazhorancës, deputetët e

Punimet e Kuvendit të Shqipërisë javët e fundit janë në një ngërç, pasi një pjesë e opozitës është e vendosur të mos lejojë zhvillimin normal të seancave plenare apo mbledhjeve të komisioneve parlamentare, me argumentin se i janë shkelur të drejtat.

Megjithatë, përtej ngërçit dhe vështirësive, duket se mazhoranca është e vendosur të mos bjerë pre e presionit të opozitës, teksa gjen zgjidhje alternative për zhvillimin e punimeve.

Seancat plenare janë zhvilluar mes tymuesve, karrigave të hedhura pirg mbi foltore, ndërsa rendi i ditës ka vijuar. Në seancën e fundit, e cila zgjati vetëm 17 minuata, shumica qeverisëse kaloi në votimin me shpejtësi të projektligjeve.

Ndryshe ndodh me komisionet, të cilat nuk janë lejuar të zhvillohen fizikisht, pasi deputët e PD-së, kanë hyrë në salla, duke penguar vijimin normal të mbledhjeve. Duket se të dyja palët janë të vendosura për t’i shkuar deri në fund qëndrimit dhe synimit të tyre.

Deputetët e PS-së i kanë zhvilluar mbledhjet e komisioneve "online", që nga opozita është konsideruar në kundërshtim me Rregulloren e Kuvendit. Sipas tyre, zhvillimi i mbledhjeve "online" diktohet vetëm nga emergjenca.

Mirëpo përtej pretendimeve të PD-së, shumica vijon e pashqetësuar me "misionin" e saj. Nga kafenetë, makinat, ambientet e shtëpisë apo në zyrë, janë disa nga vendet, ku deputetët dalin për të marrë pjesë në mbledhjet "online" të komisioneve parlamentare. Kjo pavarësisht se në atë fashë orare, ata duhet të ishin në punë, në ambientet e Kryesisë.

Bie në sy se si disa deputetë ndiqnin mbledhjen dhe ndërkohë i jepnin makinës, si rasti i Bujar Çelës, Kasëm Mahmutajt, Eduart Ndrecës dhe Bardhyl Kollçakut.

Absurd është edhe fakti që deputetë si Gazmend Ademaj dhe Fadil Nasufi ndjekin mbledhjen e Komisonit të Veprimtarive Prodhuese, duke pirë kafe në lokal.

Mungesa e seriozitetit dhe respektimi i ligjit nga ana e deputetëve socialistë është i pashembullt, ndërkohë që në komisione diskutohet projketbuxheti për vitin e ardhshëm dhe çështje me interes për qytetarët./CNA