web counter
LEXO PA REKLAMA!

SHKARKO APP

App Store
Google Play

E fundit!

x

Gjyqi me Berishën/GJKKO rrëzon Veliajn, shpenzimet i paguan kryebashkiaku

14 Nëntor 2023, 13:08, Politikë CNA
Gjyqi me Berishën/GJKKO rrëzon Veliajn, shpenzimet i paguan
Sali Berisha dhe Erion Veliaj

Shkalla e Parë e Gjykatës së Posaçme Kundër Krimit të Organizuar dhe Korrupsionit ka rrëzuar kryetarin e bashkisë së Tiranës, Erion Veliaj për padinë që ky i fundit ngriti ndaj Sali Berishës për shpifje.

Vendimi është marrë këtë të martë ndërsa në vendim saktësohet se shpenzimet e çështjes i ngarkohen kryebashkiakut Veliaj.

Përpos kësaj në zbatim të procedurave, gjykata i ka lënë 15 ditë kohë kryetarit të bashkisë për të apeluar këtë vendim.

Vendimi është dhënë nga gjyqtari Erjon Bani, i cili ka vendosur që të pushojë çështjen.

Erion Veliaj paditi Berishën me motivacionin shpifje në lidhje me akuzat që ky i fundit i bëri për lidhje me Iranin, në çështjen e inceneratorëve.

Vendimi: 

Viktima akuzuese, Erjon Veliaj, më datë 02.10.2023 ka paraqitur pranë kësaj Gjykate kërkesën për gjykimin e ?ështjes penale me objekt: Deklarimin fajtor të të akuzuarit Sali Berisha për kryerjen e kundërvatjes penale të “Shpifjes”, të kryer botërisht në dëm të viktimës akuzuese Erion Veliaj, parashikuar nga neni 120/2 i Kodit Penal.

Në datën 14.11.2023 ishte planifikuar për t’u zhvilluar seanca pajtimore në respektim të nenit 338 të K.Pr.Penale. Në këtë seancë nuk u paraqit viktima akuzuese Erion Velia pa shkaqe të arsyeshme, ndërkohë që i akuzuari Sali Berisha bazuar në nenin 351 pika 1 të K.Pr.Penale pasi kishte marrë dijeni të rregullt për seancën pajtimore me Deklartatën Noteriale Nr. 2797 Rep., dhe Nr. 986 Kol., datë 20.10.2023 kërkoi që seanca të zhvillohej në prani të mbrojtësi të tij të zgjedhur me prokurë të posa?me.

Ndodhur në këto kushte, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Bani, bazuar në nenet 59, 112 dhe 387 të K.Pr.Penale si dhe në vendimin Unifikues Nr. 11, datë 14.10.2011 të Kolegjeve të Bashkuara të Gjykatës së Lartë, me vendimin Nr. 76, datë 14.11.2023, vendosi:

Pushimin e çështjes penale me Nr. Regjistri Themeltar 109, datë regjistrimi 02.10.2023, me Viktimë akuzues: Erion Veliaj; të akuzuar: Sali Berisha për veprën penale të “Shpifjes” parashikuar nga neni 120/2 i Kodit Penal.

Shpenzimet gjyqësore i ngarkohen viktimës akuzuese Erion Veliaj.

Kundër këtij vendimi mund të bëhet ankim në Gjykatën e Posa?me të Apelit kundër Korrupsionit dhe Krimit të Organizuar, brenda 15 (pesëmbëdhjetë) ditëve, duke filluar ky afat nga e nesërmja e njoftimit të këtij vendimi./CNA





Lajmet e fundit nga