web counter
LEXO PA REKLAMA!

SHKARKO APP

App Store
Google Play

E fundit!

x

Braçe kërkon leje të paguar për gratë me cikël, e kundërshton kolegia

14 Nëntor 2023, 11:02, Politikë CNA
Braçe kërkon leje të paguar për gratë me cikël,
Erion Braçe

Deputeti i Partisë Socialiste, Erion Braçe, ka kundër edhe kolegët e tij në disa nisma të rëndësishme.

I fundit është rasti i propozimit të tij për lejen e veçantë të grave gjatë periudhës së ciklit, për të cilën Braçe tha në Komisionin e Ekonomisë se ka marrë komplimente nga kolegët socialistë, por vetëm kaq pasi ky propozim do të votohet kundër.

“Edhe vetë deputetja Antoneta Dhima më ka falënderuar për këtë gjë. Zakonisht ajo ka një shprehje shumë interesante, thotë që me ty jemi, të kemi shok, por do votojmë kundër”, - tha Braçe.

I mënjëhershëm ishte reagimi i deputetit Eduart Shalsi, që i tha se kjo nuk vlen për të gjitha propozimet e Braçes.

“Epo jo për të gjitha, jo për të gjitha”, tha Shalsi. 

Deklaratën për ciklin e grave, Braçe e bëri dje në Komisionin e Ekonomisë, i cili nxiti komente të shumta në rrjetet sociale e opinionin publik.

“A ka mundësi që grave dhe vajzave t’u njihet periudha e ciklit si periudhë sëmundjeje dhe e paguar. Raport i paguar nga buxheti i shtetit. Realisht po e konsiderojnë sëmundje lart e poshtë dhe është mirë që një iniciativë e tillë që unë mendoj se nuk kushton shumë, duhet kalkuluar të përfshihet në iniciativat e Ministrisë së Shëndetësisë. E dyta, po kaq e rëndësishme. A ka mundësi që paketën higjieno-sanitare të grave dhe vajzave pikërisht për ciklin ta përjashtojmë nga Tatimi mbi Vlerën e Shtetit, se nuk i shton asgjë buxhetit të shtetit. Nuk po kërkoj atë që po bën Evropa që ta paguajë qeveria këtë gjë, një herë në muaj, por minimumi po kërkoj që të përjashtohet nga Tatimi mbi Vlerën e Shtuar", tha Braçe./CNA

 





Lajmet e fundit nga